Baba mere Baba
Haye Ali Haye Ali Haye Ali Haye Ali
Zainab ka tha nauha Baba mere Baba x 2
Main Zainab hoon, pehchano zara Aankhain kholo zakhmi Baba - 3
kyun sunte nahi beti ki sada, Aankhain kholo zakhmi Baba
Main Zainab hoon, pehchano zara Aankhain kholo zakhmi Baba - 2
Hazrat ka musalla hai khaali, kya subah qayamat laayi hai
Suraj ko jagatey thay tum toh, ab neend yeh kaisi aayi hai
Main kab se hilati hoon shana
Aankhain kholo zakhmi Baba
Qurbaan main uski ghairat pe, khamosh tumhara beta hai
Dehleez pe hujre ki kab se, sar apna jhukaye baitha hai
Abbas pe taari hai sadma
Aankhain kholo zakhmi Baba
Haye logon ke dilon mein aaj talak, sab badr-o-ohad ka keena hai
Amma bhi nahi ab tum bhi nahi, phir kiske sahaare jeena hai
Yun chhod ke mat jao tanha
Aankhain kholo zakhmi Baba
Ek baar utho, in se pucho, baaghi toh nahi bolenge mujhe
Bin aapke jab main aaungi, patthar toh nahi maarenge mujhe
In koofiyon se le lo wada
Aankhain kholo zakhmi Baba, main Zainab hoon pehchano zara
Main Zainab hoon pehchano zara, Aankhain kholo zakhmi Baba
Haye shanon ko choom ke kehtey thay, be-rehem zamana hai Zainab
Khamosh hue itna keh kar, darbaar mein jaana hai Zainab
Tafseel bata do aur zara
Aankhain kholo zakhmi Baba
Haye Amma ki niyabat karti hoon, main bhooli nahi hoon mansab ko
maloom hai Ghairat-daar ho tum Parde ka khayal hai Zainab ko
maujood hai mere sar pe rida
Aankhain kholo zakhmi Baba
Kya likkhu janaze ka manzar, ek hashr takallum tha har su
Aankhen to na kholi zere kafan, aakhon se nikalte the aansu
taaboot pe jab beti ne kaha
Aankhain kholo zakhmi Baba