Wo Karbala Wo Shaam-e-Ghareeba'n Wo Teergi
Wo Zainab-e-Hazee'n Wo Hifaazat Qayaam Ki
Aaya Wo Ik Sawaar Qareeb-e-Qayam-e-Shaah
Beti Ali ki Ghaiz Mai'n Suu-e-Faraz Badhi
Ulti Naqaab Chehre se Apne Sawaar ne
Peshe Nigaah-e-Zainab-e-Mazloom The Ali
Har Chand Saabera Thi Bohat Binte Fatima, Be saaqta Zabaa'n Pe Ye Faryaad Aagayi
Ab Aaye Ho Baba -(2)
Zainab Ne Kaha Baap Ke Qadmo'n Se Lipat Kar
Ab Aaye ho Baba
Jab Lut Gaya Pardes Me Amma Ka Bhara Ghar
Ab Aaye ho Baba -(2)
1. Baba Agar Aana Hi Tha Khaaliq Ki Reza Se,
Uss Waqt Na Aaye -(2)
Jab Qaak pe Dam Tod Raha Tha Mera Akbar,
Ab Aaye ho Baba -(2)
2. Kat Kat Ke Gire Nehr Pa Jab Baazu-e-Abbas,
Toh Koi Na Tha Paas -(2)
Uss Waqt Sada Aapko Deta Tha Dilawar,
Ab Aaye ho Baba -(2)
3. Jab Farshe Zami'n Baame Falak Larza Fishaa'n The,
Uss Waqt Kaha'n The -(2)
Jab Baap Ke Chullu Me Tha Khoone Ali Asghar,
Ab Aaye ho Baba -(2)
4. Jab Bhai Ka Sar Kat'ta Tha Main dekh Rahi Thi,
Hazrat Ko Sada Di -(2)
Sar Khole Hue Roti Thi Mai'n Qayme Ke Dar Par,
Ab Aaye ho Baba -(2)
5. Jab Log Bacha Le gaye Lashe Shohada Ke,
Haq Apna Jataa Ke -(2)
Bas Ik Tan-e-Shabbir Tha Pamaali Ki Zad Par,
Ab Aaye ha Baba -(2)
6. Jab Shaam ke qazzaaz Hame Loot Rahe The,
Qaymo'n ko Jala Ke -(2)
Aap Aagaye Hote Toh na chhinti Meri Chaadar,
Ab Aaye ho Baba -(2)
7. Jab Baali Sakina Ke Gohar Chhine Gaye The,
Lagte The Tamache -(2)
Hasrat Se Mujhe Dekhti Thi Banu-e-Muztar,
Ab Aaye ho Baba -(2)
8. Kya Aapne Firdous Se Ye Dekha Na Hoga,
Kya Hashr Bapa Tha -(2)
Jab Pusht Se Beemar Ki Khaincha Gaya Bistar,
Ab Aaye be Baba -(2)
9. Ik Raat Ke Mehmaan hai Phir Qaid-e-Salaaseel,
Ab Paas hai manzil -(2)
Bazar Me Ham Subh ko Jayenge Khule Sar,
Ab Baba Aaye ho -(2)
10. Shahid Ruq-e-Hyder Pa Bikhar Jaate The Aan'su,
Jab Khol Ke Geysu'n -(2)
Chillati Thi Zainab Mere Baba Meri Chaadar,
Ab Aaye Ho Baba -(2)