Hay hogaya shimr jab sena e shah per sawar

Kund khanjar ko liye karne laga sarwar pa war

Deti thi us dam sada pyasa hai ye bint e rasool

Ghunt pani toh pila pyasa ise hargiz na maar

Chalne laga jo qanjar pyasa gala pukara

Abbas jald aaja koi nahi hai mera

Abbas jald aaja koi nahi hai mera

Mai ho gaya hoon tanha koi nahi hai mera

1)Jane se tere bhaiya tuti kamar hai meri

Ab tak ye meri nazaren bas muntazir hain teri

Ab aas ye mitaja koi nahi hai mera

2)Mari laee'n ne barchi akbar ke dil me bhaiya

Ju'nhi nikali barchi sath agaya kaleja

Akbar mera sidhara koi nahi hai mera

3)Halmin ki jab sada ko besheer ne suna hai

Jhule se usne bhaiya khud ko giradiya hai

Hurmel ne usko maara koi nahi hai mera

4)Jane sahegi kaise ab piyas ko sakina

Sooyegi jane kaise ab khak per hazeena

Pani use pila ja koi nahi hai mera

Abbas ya Abbas Abbas ya Abbas (2)...

Ahle haram ki aas tarayi pa so gaya.

Hashim ka chand dasht e museebat me kho gaya.

Chin jayengi ridaye'n ye ehsas ho gaya.

Darya e ranj o gham me sabhi ko samo gaya.

Dasht e bala me shah pe sadme guzar gaye..

Aaghosh me hussain ke abbas mar gaye..

Abbas ya Abbas Abbas ya Abbas (2)..

5)Zainab ko ab qabar do cheen jayegi ye chadar

Karbal se kufa jana hai usko dar dar

Tu de use sahara koi nahi hai mera

6)Ye dekh mujh pe hamla karthe hain qanjaro se

Aaye na hath kuch bhi mara hai patharo se

Hai zalimo ka nargha koi nahi hai mera

7)Qaisar qalam se apne likhta hai gham ke manzer

Kaise shabi baya'n ho kehte thy roke sarwer

Abbas uttho bhaiyya - koi nahin hai mera