Zainab hai khadi bey aas aye Abbas aajao

Hai koi nahi merey paas aye Abbas aajao

1) Zaailim ke tamaachey khaakey sakina' roti hai dekho

Seeney par soney waali reyt pey soti hai dekho

Bujhgayi hai uski pyaas aye Abbas aajao

2) Chaadar cheenengey khaimo'n mey aa aakey sitamgar jab

Sarr uryaa'n hokar baazaaro'n mey jaayegi zainab

Maareygi ye ehsaas aye Abbas aajao

3) Jaatey hii terey khatl huwey akbar bhi asgar bhi

Aur chalgaya gardan e shaah e hudaa par zulm ka Khanjar bhi

Hai ahley haram mey yaas aye Abbas aajao

4) Laakar tu udaadey koii chaadar aye merey bhayya

Jaana hai galii koocha o darr darr aye merey bhayya

Beyparda hai mera raas aye Abbas aajao

5) Hai pusht taley mere haath bandhey khologey nahi bhayya

Mehmil na amaarii hai sarr par kyu kartey nahi saaya

Aye hyder ke almaas aye Abbas aajao

6) Nazro'n se bachaaney mujhko logo'n ki bhayya sarwar

Quran ka soora e kahf sunaatey hai Naiza' chadhkar

Tum aakey padho wannaas aye Abbas aajao

7) Shaano' ke katney par bhi mujhko ghum naa tha koi

Par jaa'n chorhi mashkeeza' chidtey hi my ney bibi

Mujhko na kaho ilyaas aye Abbas aajao

8) Jitney bhi museebat raah e Shaam mey zainab ney jhelaa

Pur dard masaayab *"Gaazi"* raqam karsakta nahi maula

Rotey hai qalam qirtaas aye Abbas aajao