Ay mere Ghazi Alamdaar agar tum hote

Hoti Zainab na giraftaar agar tum hote

Naiza Akbar ke kaleje pe na lagta Abbas

Mera atthara baras wala na marta Abbas

Sani e Haider e karraar agar tum hote

Sina e Sheh pe jo aaram kiya karte the

Bose Jinke Shah e mazloom liya karte the

Zakhmi hote na woh rukhsaar agar tum hote

Jalte khaime na koi chinnta meri chaadar

Na rasan bandhta koi,na baraste patthar

Na main jaati sare bazaar agar tum hote

Dekh leti jo woh Ek baar tumhari surat

Qaid khane mei Yateema ki na banti turbat

Ay Sakina ke tarafdaar agar tum hote

Ek rida ke liye mohtaj na hoti behne

Chehra baaloN se chupakar ke na roti behne

Jaanti huu mere jaraar agar tum hoti

Durre sajjad ke aakar na lagata koi

Pusht e Aabid pe bhi naiza na chubhata koi

Chalta kaatoN pe na bimaar agar tum hote

Ay Raza karboala kaap rahi thi uss Dam

Jab behan karti thi bhai ki lahad par matam

Bain Yusuf the yeh har baar agar tum hote