Alamdaar hoon Alamdaar hoon x2
Abbas naam hai Mera x2
Tausan sawaar hoon
Alamdaar hoon Alamdaar hoon
Khaimo ke samt Dekhe koi Kya majal hai
Meri rago me khoone Ali ka jalal hai
Main Haider e karrar ki x2
Haa zulfeqar hoon
Ejaz yeh Mera hai dua hu batool ki
Zamin hu main rida ka Binte Rasool ki
Gairat ki kainaat ka x2
Parwardigar hoon
Tehreer mere dil pe wafao ki Shaan hai
Mera Hussain dekho Mohammed ki jaan hai
Batil ki Maut hu main x2
Main haq shiyaar hoon
Chahu to Karbala ko palat dunga main abhi
Ladne ki Shahe dee'n se izazat nahi mili
Ehle haram ki pyaas pe x2
Main sogwaar hoon
Wada Kiya hai Maine sakina se aaunga
Kuch der me furat se pani main laaunga
Main tashnagi ka uski x2
Haa intezaar hoon
Paani nahi piyunga gawah rehna hai furaat
Pyaasi hai Karbala me aale nabi ki zaat
Main hu Wafa ka paikar x2
Main ba waqaar hoon
Baazu kahin padhe the to laasha kahin pe tha
Zainab tadap ke boli ke bhaiyya meri rida
Ghazi ki Thi sada yeh x2
main sharmsaar hoon
Ehde Wafa nibha kar Alamdar e bawafa
Yawar bikhar gaya tha yeh salaar e nainawa
Goonji sada jari ki x2
Main bekaraar hoon
Alamdaar hoon Alamdaar hoon