Abbas Abbas

Jab Mashk e Sakina Pe Laga Teer Sitam Ka

Abbas Abbas

Bikhre Huwe Lashon Ne Kaha Haaye Hussaina

Abbas Abbas

Be Dast Alamdar Ko Be Deeno Ne Mara

Ghorey Se Gira Khak Pe Saqa e Sakina

Darya Pe Utha Shor Alamdar Alamdar

Saqa e Haram Syed o Salaar Alamdar

1. Jane Se Tere Sheh Ki Qmr Toot Gai Hai

Abbas Tera Rasta Bahen Daikh Rahi Hai

Shabbir Huwe Jeene Se Baizaar Alamdar

2. Pohnchi Ye Khbr Khema e Shabbir Main Jis Dum

Shabbir Qamr Tham Ke Karne Lage Matam

Yeh Bain Kiye Aye Mere Ghumkhar Alamdar

3. Hathon Main Liye Koozay Tarapte Rahai Piyase

Aur Piyason Ke Halqe Main Sakine Ke Thay Naale

Piyason Pe Fida Hogaya Ghamkhar Alamdar

4. Saadat Ko Jab Lootne Ayain Gai Sitamgar

Phir Kon Bachaye Ga Teri Behna Ki Chadar

Aja Meri Chadar Ke Nigehdaar Alamdar

Bain Sakina Ne Kiya

Haye Alamdar e Hussain

Nahar Se Ajao Chacha

Haye Alamdar e Hussain

Karti Hun Main Yeh Ilteja

Haye Alamdar e Hussain

Mujhe Na Tarpao Chacha

Haye Alamdar e Hussain

Haye Alamdar e Hussain

Bazuye Saqae Haram

Haye Alamdar e Hussain

Jab Huwe Darya Pe Qadm

Haye Alamdar e Hussain

Rone Lage Shah e Ummam

Haye Alamdar e Hussain

Is Se Bara Nahi Sitam

Haye Alamdar e Hussain

5. Abbas Ke Nazdeek Nazdeek Shah e Wala

Sar Bhai Ka Yeh Kehte Huwe Goud Main Rakha

Tum To Meri Fouj Ke Saalaar Alamdar

6. Aye Dharas e Shabbir Zara Ankhain TO Kholo

Hasrat Hai Ke Ek Baar Mujhe Bhai To Bolo

Kiya Yaad Hai Bachpan Ka Tumhe Pyaar Alamdar

7. Qasim Bhi Gaye Aun o Muhammad Bhi Sudhare

Akbar Bhi Chale Jayain Gai Ab Bhi Tumhare

Koi Na Raha Saaya e Deewar Alamdar

8. Daiti Thi Yahi Zainab e Dilgeer Duhai

Main Tere Sahare Pe Watan Chor Ke Aai

Kyun Chor Ke Jate Ho Wafadar Alamdar

9. Ghazi Ki Shahadat Pe Qayamat Ka Tha Manzar

Kar Sakta Nahi Koi Baayaan Mesum o Mazhar

Alfaaz Ka Lashkar Hai Qalamkaar Alamdar