Noha Kuna Hai Zainab e Muztar Ali Key Baad (x2)

Kohraam Hain Macha Hoowa Ghar Ghar Ali Key Baad

Mehraab Ghumzada Hai Namazi Kidhar Gaya

Veeraan Hai Rasool Ka Mimbar Ali Key Baad

Bewayein Aur Yateem Rahe Intezar Mein

Kitne Ghareeb Behte Hai Dar Par Ali Key Baad

Kulsoom Apne Baba Ko Jee Bhar Ke Dekhlo

Sehri Na Hogi Esi Mayassar Ali Key Baad

Manzar Ubhar Ke Aagaya Bazaar e Shaam Ka

Zainab Ke Sar Se Jab Giri Chadar Ali Key Baad

Sab Ronaqe Bhi Ho Gaye Rukhsat Ali Ke Saath

Soona Kuch Is Tarha Se Huwa Ghar Ali Key Baad

Zainab Ki Zindagi Mein Na Aayi Koi Kushi

Bigda Kuch Is Tarha Se Muqadar Ali Key Baad

Kis Dil Se Ab Hussain Padhege Namaz e Eid

Masjid Me Jaake Royegi Shabbar Ali Key Baad

Shehzadi Banke Aayi Thi Kufe Me Kal Yahi no Ho

Dar Dar Phirri Hai Zainab e Muztar Ali Key Baad

Dekho Sitam Zamane Ki Zindan e Shaam Me

Roti Rahi Hai Aale Payamber Ali Key Baad

Zainab Yeh Kehke Soowe Madina Chali Zafar

Hum Kya Karege Kufe Me Reha Kar Ali Key Baad