Ya Zainab sa 6

Kirdar e imamat

Guftar e risalat

Allah ka laskhar Ya Zainab sa

Hai Saniye Zehra

Hai zinat e haider

Or Sabr Ka Paikr Ya Zainab

1.Socha tha mitai

is deen ko jisne

Wo khak hua Hai Zainab ke karam Se

Islam ka Dushman

Ruswa hua Hai

Ay Saniye Zehra bas Aapke Dam Se

Hai Maa ki Hararat

Islam ki kuwwat

Haider ki sujaat ya zainab

2.Tune Hai Bachaya

mushkil me imamat

Ye deen Tumhare Hai Dam se Salamat

Abbas ki tarha

Sarhad pe khadi Hai

Har daur me karti hai Dee'n ki hifazat

Hai Sher e dilawar

Shabbir ki yawar

Tu Naaz e payambar ya zainab

3.Is Shan se boli

Baatil ko daraya

Darbar e sitam ko khutbo'n Se hilaya

Sar ahle jafa ka

Bibi ne jukaya

Zainab ne gurur e Zalim ko mitaya

Lehja Hai Ali ka

Zehra ki zuba hai

Aawaz e Mohammad ya zainab

4.islam ki zinat

Iman hai Parda

Ye deen se wafa ki Pehchan hai Parda

Zainab ki kaneezo

Ki jaan hai Parda

Zainab ke muhibbo ki Shan hai Parda

Zahir me ho parda

Baatin me ho parda

Phir lab sada ho ya zainab

5.Zalim se Ladenge

Rehbar ka hai Nara

Dushman Hai Hamara Agyaar Tumhara

Hum karke falasti

Azad Rahenge

Kashmir o yaman ko chodenge na Tanha

Mazloom ke hami

Ye tere fidai

Maidan me hai Hazir Ya Zainab

6.Ho Tumpe Salam Ay

Haider ke pairo'n

Tum Jeete Raho Ay Zainab ke Shero'n

Ho Tumko Mubarak

Rutba e Shahadat

Ye jazb e Zahoor e

Aakhir ho salamat

Tum Karbobalai

Tum hi ho Ghadeeri

Nara Hai Tumhara Ya Zainab

7._aashor ka dhalna

Aur shame gariban.

Sehmay hove bachy he dashte bayaban.

Sub lut gaya ban ma

koie nahi yawar.

Pehre Pe khari he Abbas ki Khawahar

Bachon ki umeedain mawon ka Sahara salare haram he ya zainab .sa.

8._darpesh safar he

ab sham ha Jana.

Imdad ko mari

tum raah me aana.

Main kese chalungi agyar ky hamrah .

Abbas bahen ka

parda to banana .

Pehla ye safar ha pardy ky humafiz

be maqna o chadr ya zainab.sa.

9._balon say chupaye

chray ko chali ha.

Mal kaye haya py

ye kesi ghari ha.

Chayi he qayamt

Sajjad ky dil pr .

Darbare sharabi

Aur binte Ali.ha.

Agyar ka majma Aur sanie zahra ..sa.

purdard ha manzar ya zainab. Sa

10.Hum Lehed Banae'n

Marqad ko sajae'n

Abbas ka Parcham Aangan me Lagae'n

Ho Puri Tammana

Tamir e baqayya

Maqbul Hamari Ho jae Dua e

Zehra ke haram me

"Shabbir" Qasida

Hum padke Sunae ya zainab