Akbar, akbar haye akbar..(2)

Akbar mera sehreya wala akbar..(2)

Aye akbar ye sehra sajane ke din the..(2)

kaha'n teri mayyat uthane ke din the

Aye akbar ye sehra sajane ke din the..(2)

1. Wo galiya'n jaha'n tera bachpan hai guzra

jaha'n dekhte hai sabhi tera rasta

wahi lautke ab to jaane ke din the

Aye akbar ye sehra sajane ke din the..(2)

2. Hai baithi hui dar pe beemar sughra

tujhe lene aaunga tha jisse waada

behen ko watan se bulane ke din the

Aye akbar ye sehra sajane ke din the..(2)

Kaha'n teri mayyat uthane ke din the

Aye akbar ye sehra sajane ke din the..(2)

3. Tujhe naaz se aise paala phupi ne

duaein tujhe di hai khud zindagi ne

nigaho'n mein tujhko basane ke din the

Aye akbar ye sehra sajane ke din the..(2)

4. Shahe dee'n ye laashe pe kehte hai rokar

sukoo kaise paaye bhala qalb e muztar

sahara tera ab to paane ke din the

Aye akbar ye sehra sajane ke din the..(2)

Kaha'n teri mayyat uthane ke din the

Aye akbar ye sehra sajane ke din the..(2)

5. Har ek subha madar ne jab tujhko dekha

utari nazar tera sadqa utara

aye beta ye mannat badhane ke din the

Aye akbar ye sehra sajane ke din the..(2)

6. Tadapte hue keh rahi hai ye madar

mere naujawa'n aye mere laal akbar

kaleje se tujhko lagane ke din the

Aye akbar ye sehra sajane ke din the..(2)

7. Tha 'izhar' aur shadma'n ghum ka manzar

lipat kar jo laashe se kehti thi madar

ye naushaah tujhko banane ke din the

Aye akbar ye sehra sajane ke din the..(2)

Kaha'n teri mayyat uthane ke din the

Aye akbar ye sehra sajane ke din the..(2)

Akbar mera sehreya wala akbar..(2)