[Aye khaak ke zarro aye tez hawaao] ×2

Laasha kisi mazlum ka be goro kafan hai

Waaris koi moujood nahi rooh ka saban hai

Dafnaane ka saamaa'n karo aye khaak ke zarro

aye tez hawao

[Aye khaak ke zarro aye tez hawaao] ×2

Shabbir ne tarjeeh jise di thi kafan par

Aadaa ne woh kurta bhi na rehne diya tan par

Ab tum kafan uska bano aye khaak ke zarro

aye tez hawao

[Aye khaak ke zarro aye tez hawaao] ×2

Bedardo ne laashe ka ajab haal kiya hai

Mazluum ka tan ghodo se paamaal kiya hai

Aada ko bikhar lene do aye khaak ke zarro

aye tez hawao

[Aye khaak ke zarro aye tez hawaao] ×2

Sar apna kataye huwe jo ran me pada hai

Ye ehmade mukhtar ki godi ka palaa hai

Lillah aziyat na do aye khaak ke zarro

aye tez hawao

[Aye khaak ke zarro aye tez hawaao] ×2

Hai dukhtar-e-mehboob-e-khuda ka ye dulaara

Ye haidare karraar ki aankho'n ka hai taara

Laash iski na barbaad ho aye khaak ke zarro

aye tez hawao

[Aye khaak ke zarro aye tez hawaao] ×2

Chinti na agar zainab-e-mazloom ki chadar

Ye laash pari rehti na is tarha zamee'n par

Dafnaane ka saamaa(n) karo aye khaak ke zarro

aye tez hawao

[Aye khaak ke zarro aye tez hawaao] ×2

Le jaate na aabid ko agar karke giraftaar

Be ghuslo kafan rehta na yu sayyade abraar

Qaidi ki niyabat karo aye khaak ke zarro

aye tez hawao

[Aye khaak ke zarro aye tez hawaao] ×2

Maara gaya hai jo bhi shaqi dafn huwa

Aur sibte payamber yuhi beghor para hai

Matti shahe bekas ko do aye khaak ke zarro

aye tez hawao

[Aye khaak ke zarro aye tez hawaao] ×2