Haay Zainab Haay Zainab Haay Zainab Haay Shaam..(2)

Berida hai bibiyaan or shaam ka bazaar hai (2),

Shaam ke bazaar me ye majmaae agyaar hai..

Khoo’n bhara kurta hua hai abid e bimaar ka,

Hogaya zakhmo se mazru kul badan gumghaar ka,

Pau me hai able aur ablo’n me khaar hai..

Berida hai bibiyaan or shaam ka bazaar hai..

Hai gala rassi se bandha dukhtar e shabbir ka,

Pyaas se chale hai lab par aag se daaman jala,

Aur tamacho ke nishano se bhara rukhsaar hai..

Berida hai bibiyaan or shaam ka bazaar hai..

Karbala me lut gaya ghar phir bhi na kuch hai kaha,

Shaam ke bazar me bhi lab pe hai shukr e khuda,

Sabr e abid sabr e zainab sabr ka meyaar hai..

Berida hai bibiyaan or shaam ka bazaar hai..

Sogae abbas o akbar karbala ki khaak par,

Na rahe sarwar bhi haay lut gaya karbal me ghar,

Sayyade sajjad kunbe ka bana salaar hai..

Berida hai bibiyaan or shaam ka bazaar hai..

Bangai faryaadi zainab apni chadar ki jaha’n,

Kya kare shikwa kisi se hogaya dushman jaha’n,

Sar jhukaae ro raha khoo’n abid e bimaar hai..

Berida hai bibiyaan or shaam ka bazaar hai..

Koi kehta hai ye baaki koi patthar maarta,

Haatho me hai rassiyaa’n aur khoon sar se behraha,

Shaam me aale nabi par zulm o ki bouchaar hai..

Berida hai bibiyaan or shaam ka bazaar hai..

Hamid o Reza nabi ki aal par kaisa sa sitam,

Jo masayab in pe guzre likh nahi sakta kalam,

Qaid hai aal e payamber sajraha darbaar hai..