Ek maa ki ummeedo'n ko..(2) haaye

Ek maa ki ummeedo'n ko, qaza maang rahi hai

Besheer ko teeron ki hawa maang rahi hai..(2)

1. Maabood mere sheer ko taaseer ataa kar..(2)

Maa jhoole se lipti hai..(2) haaye

Maa jhoole se lipti hai, dua maang rahi hai

2. Is dil se zara puch ke dekhe to zamana..(2)

jis dil ka sukoo'n karbo..(2) haaye

jis dil ka sukoo'n karbo, bala maang rahi hai

3. Sahil se ubharti hui islam ki awaaz..(2)

Haider ki duao'n ka..(2) haaye

haider ki duao'n ka, sila maang rahi hai

4. Abbas ne baazu jo use de hi diye hai..(2)

mashkeeza bhi ab mauje..(2) haaye

mashkeeza bhi ab mauje, balaa maang rahi hai

5. Bachho'n ke janazo pe behen haath uthakar..(2)

Bus bhai ke maqsad ki..(2) haaye

Bus bhai ke maqsad ki, baqa maang rahi hai

6. Allah re laachar ye beemar tadap kar..(2)

shabbir se marne ki..(2) haaye

shabbir se marne ki, raza maang rahi hai

7. Sunsaan bayabaa'n me bhatakti hui bachhi..(2)

Ek laasha e besar ka..(2) haaye

Ek laasha e besar ka, pataa maang rahi hai

8. Parde ka chalan jiske gharane se chala tha..(2)

wo aaj musalmaa'n se..(2) haaye

wo aaj musalmaa'n se, rida maang rahi hai

9. Har shayere sarwar se faseel aaj bhi zahra..(2)

har lafz ghame sheh mein..(2) haaye

har lafz ghame sheh mein, dhala maang rahi hai

Besheer ko teeron ki hawa maang rahi hai..(4)