Aye mere bhai Hussain - 4

Bhai Ki Azadar Hoon Aur khasta Jigar Hoon

Ashoor-e-Muharram Say

Abhi Tak Khullay Ser Hoon - 2

1-Be Makna o Chadar Hai Phiri Etrat e Athaar

Mai Bhool Nahi Sakti Kabhi Shaam Ka Bazaar

Mai Shaam Ki Galiyon Mai,  Abhi Mehway Safar Hoon -2

2-Mara Gaya Payasa Mera Asghar Mera Akbar

Be Gor o Kafan Bhai Ka Laasha Hai Zamee(n) Per

Pani Nahi Pee Sakti Mai, Wo Tashna Jigar Hoon - 2

3-Kya Ranjh Millay Hum Ko Gareeb ul Watani Say

Cheeni Gai Chadar Meri Naizay Ki Aani Sey

Mehdi K liay Muntazir e, Waqat e Saher Hoon - 2

4-Baba Kay Mai Koufay Ki Hi Galiyon Mai Phiri Hoon

Kitnay Hi Baras Shaam Kay Zinda(n) Mai Hi Rahi Hoon

Mai Dour Madinay Say Hoon, Mai Shaher Badal Hoon - 2

5-Kamzor Nahi Hoon Mai Masaiab Ko Sahoon Gi

Matam Mai Bundhay Haathon Say Hi Karti Rahoon Gi

Mar Jaati Masaiab Say, Main Zinda Mager Hoon - 2

6-Abbas Kay Bazoo Hain Kattay Meri Nazar Mai

Hai Seena e Akbar Ki Sinna Meray Jigar Mai

Hai Karbobala Jis Mai Bapa, Mai Wohi Ghar Hoon - 2

7-Her Aik Alam Mai Hai Alamdar Ki Khushboo

Romaal Mai Seemattay Hain Azadar Kay Ansoo

Ansoo Jo Bahata Hai Mai, Wo Deedha e Tar Hoon - 2

8-Kehti Hain Qamar Shaam Say Kyun Kar Nahi Darti

Kyun Aaj Yeh Syedaniya(n) Pardha Nahi Karti

Majis Jahan Hoti Hai Mai, Moujood Udhar Hoon- 2