Ya abbas, ya abbas..(2)

haye  abbas haye haye abbas..(2)

Zainab hai khule sar, nauha tha labo par

abbas bhayya meri chadar..(2)

Ujda hai mera ghar, aa jao palat kar

abbas bhayya meri chadar..(2)

1. Yaad aata hai baba ko wo seene se lagana

do baazu mere choom ke ashko ka bahana

lo aagaya hamsheer pe ghurbat ka zamana

qaidi hui pardes mein aulaad e payambar

abbas bhayya meri chadar..(2)

2. Abbas tere khoon se tarr tera alam hai

is dard se atka hua ab seene mein dumm hai

zainab ko nahi maut ka, is baat ka ghum hai

tatheer ki waris hui be maqna o chadar

abbas bhayya meri chadar..(2)

3. Afsos mera koi madadgaar nahi hai

is ban mein koi monis o ghumkhwar nahi hai

jo mera muhafiz tha alamdar nahi hai

aajao mere bhai ke zainab hai khule sar

abbas bhayya meri chadar..(2)

4. Zainab pe mere bhai qayamat ki ghadi hai

narghe mein laeeno ke behen haay khadi hai

bhai ki mere laash bayabaa'n mein padi hai

is alam e ghurbat mein nahi koi bhi yawar

abbas bhayya meri chadar..(2)

5. Ye kaisi musibat hai nahi koi hamara

mai hogayi barbaad ke ghar lut gaya saara

aulad e payambar ka nahi koi sahara

khaimo mein hai kohram ke taraaj hua ghar

abbas bhayya meri chadar..(2)

6. Is alam e tanhayi mein ab kisko bulau

abid ko sambhalu ke sakina ko bachau

rudaad e musibat ki mai ab kisko sunau

afsos hame lootne aaye hai sitamgar

abbas bhayya meri chadar..(2)

7. Socha bhi na tha ye kabhi manzar mere bhayya

mai qaidi banungi mera chhin jayega parda

haatho mein rasan baandh ke le jayenge aada

bazaar mein, darbaar mein jaungi khule sarr

abbas bhayya meri chadar..(2)

8. Kya waqt muhib zainab e muztar pe ye aaya

har ranj jari bint e payambar ne uthaya

be parda nabi zaadi thi aur des paraya

maqtal mein yehi nauha tha zainab ke labo par

abbas bhayya meri chadar..(2)

Zainab hai khule sar, nauha tha labo par

abbas bhayya meri chadar..(2)