Haye Sajjad, Haye Sajjad

Dayaar e shaam mein sajjad ka ye nauha tha

jinke ghar se hua islam mein parda qayam

Haye afsos, wohi bibiya'n hui nang e sar

nawasiyo ko nabi ki logo nahi mayassar bus ek chadar..(2)

1. Haye sajjad, hussain ibn e ali ka beta

tauq o zanjeer pehen kar jo sue shaam chala

jiska ghairat ke sabab raah mein sar bhi na utha

duniya walo ne jise sabr ka mabood kaha

phuphi ki khatir, wo mangta hai..(2)

damishq jaakar, bus ek chadar

nawasiyo ko nabi ki logo nahi mayassar bus ek chadar..(2)

2. Qafla shehr e halab pohcha jo shiree'n ke ghar

aur mili shiree'n ko sadaat ke aane ki khabar

haye zainab ko na pehchan saki nek siyar

pucha shehzadi se tum kaun ho aye nauhagar

kaha ye zainab ne mangti hai..(2)

ali ki dukhtar, bus ek chadar

nawasiyo ko nabi ki logo nahi mayassar bus ek chadar..(2)

3. Umme kulsoom ye fizza se bayaa'n karti hai

bibiyo shaam ka bazaar abhi baqi hai

haye ghayyur baradar ki behen roti hai

naam bazaar ka aate hi tadap jaati hai

pukarti hai, kahi se laade..(2)

mere baradar, bus ek chadar

nawasiyo ko nabi ki logo nahi mayassar bus ek chadar..(2)

4. Al gharaz aa hi gaya raah mein bazaar e shaam

aisa mahaul tamashayi khade the har gaam

ek janib the udoo ek taraf tishna kaam

shimr ne aake kiya bint e ali se ye kalaam

bulaao abbas e bawafa ko..(2)

wo dede aakar bus ek chadar

nawasiyo ko nabi ki logo nahi mayassar bus ek chadar..(2)

5. Baabe sa'at pe sitamgar haram ko laaye

chand ghante isi manzil pe khade the pyaase

pucha sajjad ne kyu badhte nahi tum aage

shimr kehne laga darbaar saja de pehle

To boli mushkil kusha ki beti - 2

Aye baba haider bas ek chadar

nawasiyo ko nabi ki logo nahi mayassar bus ek chadar..(2)

6. Khatm hai nauha yahi mazharo irfane aza

dekha sajjad ne darbar me manzar gham ka

saat sau kursi nasheen aur nabi ka kunba

Ahle darbaar se sajjad ne rokar ye kaha

nawasiyo ko nabi ki logo nahi mayassar bus ek chadar..(2)

bas ek chadar - 2