Haye Zainab(sa) Haye Darbar...3

Haaye Ali(as) Ki Beti, Darbar Jarahi Hai.... 2

Baalo'n Se Apna Chehra, Zainab(sa) Chupa Rahi Hai

Haaye Ali(as) Ki Beti, Darbar Jarahi Hai....2

1) Qaidi Bana Ke Haaye, Sadaat Ko Phiraya

Binte Ali(as) Pe Ya Rab,Kaisa Hai Waqt Aaya

Patthar Kahi'n Pe Durra, Mazluma Kha Rahi Hai

2) Masnad Nashi'n Hain Zaalim, Sar Samne Rakha Hai

Ek Hath Me Chadhi Hai, Jo Sar Pe Maarta Hai

Kya Kya Ali(as) Ki Beti, Sadme Utha Rahi Hai

3) Qaidi Bani Huwi Hai, Afsos Binte Zahra(sa)

Chadar Bhi Chinn Chuki Hai, Phirti Hai Koocha Koocha

Is Haal Me Bhi Zainab(sa), Khutbe Suna Rahi Hai

4) Na Mehramo Ka Majma, Darbar Me Khada Hai

Parde Ki Paasba'n Hai, Aayi Jo Berida Hai

Ghairat Ka Hai Taqaza, Nazre'n Jhuka Rahi Hai

5) Fizza(sa) Ko Yeh Pata Hai, Kya Shaan Thi Ali(as) Ki

Be Parda Shamiyo,n Me, Beti Hai Aaj Uski

Fizza(sa) Lahu Ke Aansu, Is Dam Baha Rahi Hai

6) Abbas(as) Tum The Zamin, Mazluma Ki Rida Ke

Kis Haal Me Bahen Hai, Dekho Zara Yeh Aake

Chadar Kahi'n Se Laa Do, Zainab(sa) Bula Rahi Hai

7) Bhai Teri Shahadat, Yu Raayega Na Hogi

Deene Khuda Ki Khatir, Har Zulm Me Sahungi

Bhai Se Jo Kiya Tha, Waada Nibha Rahi Hai

8) Shahbaz Kaise Danish, Manzar Baya'n Karega

Beti Ali(as) Ki Aayi, Darbar Saj Raha Tha

Zainab(sa) Ki Har Qadam Par, Ab Jaan Jarahi Hai.

Haaye Ali(as) Ki Beti, Darbar Jarahi Hai....2