Hai baab e hawaej maula..(2)

saqqa e sakina maula..

hai baab e hawaej maula

dua to maang sakina ka wasta deke..(2)

ye kaise hoga ke abbas aur ataa na kare

1. Alam pe jaake sakina ka waasta dena

farera thaam ke ghum apne sab suna dena

jalana naam e sakina ka ek diya jaake

ye kaise hoga ke abbas aur ataa na kare

2. Alam pe jao to bachho ko saath le jao

waha'n sakina ka pursa do phir dua mango

tumhare haq mein sakina jo khud dua karde

ye kaise hoga ke abbas aur ataa na kare

3. Rida e zainab e muztar ka waasta dena

ghareeb e zehra ka sharbat pe fatiha dena

duaein maangna haatho'n mein baliya'n rakh ke

ye kaise hoga ke abbas aur ataa na kare

hai baab e hawaej maula..(2)

saqqa e sakina maula..

hai baab e hawaej maula

dua to maang sakina ka wasta deke

ye kaise hoga ke abbas aur ataa na kare

4. Ataa kare jo khuda mujhko ek ghar apna

rakhunga ghar mein sakina ke naam ka hujra

alam ko thaam ke mannat ye maan le roke

ye kaise hoga ke abbas aur ataa na kare

5. Jo tune maangli aulaad aur ye socha

use sakina ka saqqa main khud banaunga

niyat ye karli jo tune duao'n se pehle

ye kaise hoga ke abbas aur ataa na kare

6. Baland bus ye aqeeda hai mazhar o farhan

husainiyo ki to raahat ka hai yehi saamaan

jo panjetan ke bhikaari bano salike se

ye kaise hoga ke abbas aur ataa na kare

hai baab e hawaej maula..(2)

saqqa e sakina maula..

hai baab e hawaej maula