Haaye zehra s.a (2)

Haaye fizza (3)(2)

Ek roz ro ke fizza se zehra s.a ne yeh kaha

Pehlu shikasta ho gaya, Tum ko hai bus pata

Yeh raaz raaz rakhna ke, tooti hai pasliya

Fizza meri musibaten, karna na tum bayan

Fizza....

Fizza na yeh batana...

Pehlu huwa shikasta, Fizza na yeh batana

Haider a.s se meri ghurbat, Lillahh tum chupana

Fizza na yeh batana...

1)Pehlu huwa shikasta, tum ko bhi na batati

Zehra s.a tumhe madad ko, hazrgiz na phir bulaati (2)

Mushkil agar na hota, darr ko mera uthana

Fizza na yeh batana...

2)Jab se huwa hai fizza, pehlu mera shikasta

Pehlu se haath mera, Uthta nahi hai fizza (2)

Bacho ko chahti hoo, Apne gale lagana

Fizza na yeh batana...

3)Deewaro darr mai piss kar, mohsin a.s bhi margaya hai

Tooti hai pasliya sab, darwaza yu gira hai (2)

Yeh raaz raaz rakhna, bacho se bhi chupana

Fizza na yeh batana...

4)Pehlu ka dard mujhko, har aan maarta tha

Pehlu ke tootne se, mushkil tha saans lena (2)

Tadpi hoo dard se mai, kitna nahi batana

Fizza na yeh batana...

5)Be parda shamiyo mai, jaayegi meri beti

Tum aaj se aye fizza, Goya ke maa ho iski (2)

Zainab s.a ke saath tum ko,

Bazaar bhi hai jaana

Fizza na yeh batana...

6)Tum jaanti ho fizza, lagti hai pyas usko

Mera hussain a.s shab mai, awaaz de jo mujhko (2)

Pani mere pisar ko, fizza tum hi pilana

Fizza na yeh batana...

7)Badle Ali a.s ke shaami, beti se meri lenge

Jis waqt laadli ko, pathar meri lagenge (2)

Zainab s.a ke badle pathar, fizza tumhe hai khana

Fizza na yeh batana...

8)Danish Rehan tum se, razi rahenge Haider a.s

Kousar ka jaam denge, Tum ko ba-roze mehshar (2)

Zehra s.a ki tum musibat, har gaam par sunana

Fizza na yeh batana...