ya Ali

haae Ali

bain karti hi rahi, qabr se yeh bint-e nabi

haae mazloom Ali, mere mazloom Ali

mere pehlu ki terhan, aap ka sir hai zakhmi

gunbade Khizra o kaaba mein bapaa hai maatam

tod kar bande kafan mein ne kya hai maatam

jis ghadi aap pay masjid mein hai talwar chali

haae mazloom Ali, mere mazloom Ali

mere baba se kiya wada nibhanay keliye

khud ko tanha kiya islam bachanay ke liye

shidat-e-Adl tairay peeron ki zanjeer bani

haae mazloom Ali, mere mazloom Ali

qatl mohsin ho ya darbaar mein meri paishi

zabt khud par kiya aur mujh ko tasalli bhi di

aap ki terhan jahan mein nahi mazloom koi

haae mazloom Ali, mere mazloom Ali

aaj koofe ki hai shehzadi tumhari beti

kal isi shehar mein aaye gi woh ban kar qaidi

aakhri had mere waali hai yeh gurbat ki teri

haae mazloom Ali, mere mazloom Ali

us ghadi khatm hui theen meri saari khushiyaan

zindah rehne ki mere dil mein thi hasrat hi kahan

mein ne jab aap ki gardan mein rasan dekhi thi

haae mazloom Ali, mere mazloom Ali

haae,

waqt e rukhsat tha qayamat yeh tasalli thi magar

aap ka saya to baqi hai mere bachon par

aap ne kaisay vidaa bachon se mangi hogi

haae mazloom Ali, mere mazloom Ali

bain yeh mohsin o darwaish kiya Zahra ne

kal unheen ke liye aaye thay jinah se kapray

aayi hai eid pay kofe mein jin aankhon mein nami

haae mazloom Ali, mere mazloom Ali

bain karti hi rahi, qabr se yeh bint-e nabi

haae mazloom Ali, mere mazloom Ali