Unneesvi Ramzan ka mahaul ajab tha
Abbas (as) ka Nauha tha ke haye merey Baba
Us waqt Ali (asws) ne ye kaha apne Pisar se
Aa Karbobala ka maiñ sunauñ tujhe qissa
Haider (asws) ne kaha Ro ke ye Abbas (asws) se Beta !
Main dekh raha huñ tera bikhra hua laasha
1:Talwaar ka ek waar hua hai mere sar par
Tujh par to baras jayenge talwaron ke lashkar
Aur tukdon me hoga mere bachche tera laasha
Maiñ dekh raha huñ tera bikhra hua laasha
2) bin haathon kay aayega tu ghodey sey zameen per
Sar hoga tera paara merey betey zameeñ per
Sar tera main aaghosh mein us waqt rakhunga
Maiñ dekh raha huñ tera bikhra hua laasha
3) laashey ko terey dekhega to royega Shabbir (as)
Aur dega sadaa aaiye ay Madare Dilgeer
Phir tukdey sametegi teri laash ke Zahra s.a
Main dekh raha huñ tera bikhra hua laasha
4) Khanjar jo tere bhai ki gardan pa chalega
Sookhi hui Shaihrag se sadaa aayegi beta
"Dekho meri gardan pa chhuri chalti hai bhaiya"
Main dekh raha huñ tera bikhra hua laasha
5) Laa kar terey laashe pa Sakina s.a ko sitamgar
Marengey tamachey wo tere tukdey dikha kar
Aur shimr tujhe dekh kay os waqt hasega
Main dekh raha huñ tera bikhra hua laasha
6) haaris (al) sar e Zainab s.a sey bahayega lahu jab
Faryad karegi wo tera dekh ke Sar tab
Matam to bahot naize pa os waqt karega
Maiñ dekh raha huñ tera bikhra hua laasha
7) Aaunga teri qabr pa Abbas asws main har roz
Royega wahañ Nasire dilsoz o jigarsoz
Mazhar bhi tere Rauze pa nauha ye padhega
Main dekh raha hun tera bikhra hua laasha