Abbas Abbas

Haaye

Qatl jab hogaya maidan mein Abbas e Ali

Haye Abbas ke girye se fiza goonj uthi

Haye Abbas, Haye Abbas ×2

Jalte khaimon se sada aayi sar e Karbobala

Haye Abbas Haye Abbas ×2

Lo khabar jald ke ab bistare Sajjad jala

Haye Abbas Haye Abbas ×2

1. Tanha atthaara baradar ki behen hai ban mein

Neend kyu aagayi aye bhai batado ran mein

Neend se jaago chhini Zainab e muztar ki rida

Haye Abbas....

2. Mere ghazi mere safdar mere mir e lashkar

Dekh be aas hai pardes mein teri khwahar

Kat gaya sibt e payambar ka, bhi sajde me gala

Haye Abbas....

3. Bain karti hui laashe pe chali aaungi

Kitne naasoor kaleje mein hai dikhlaaungi

Meri taqdeer mein kuch bhi nahi ashkon ke siwaa

Haye Abbas....

Haaye,

4. Mera Akbar mera Qasim, mera Asghar na raha

Do mere laal the dono mein se koi na bacha

Na koi bhai bhateeja na koi hai beta

Haye Abbas....

5. Bhaiyon se to badi aas hua karti hai

Har behen bhai ke haq me ye dua karti hai

Umr lag jayen meri zinda rahe bhai mera

Haye Abbas....

Haaye,

6. Jee ke ab kya karu aye bhai tumhare ghum mein

Zindagi guzregi Zainab ki tere matam mein

Mujhko tadpaayegi aye bhai teri yaad sada

Haye Abbas....

7. Khaali quze liye bacche hai dare khaima par

Suwe dariya hai lagi bali Sakina Ki nazar

Kehti hai bacchon se aate hai abhi mere chacha

Haye Abbas....

8. Noha Rehan ye Zainab ka tha baade Abbas

Kyu nahi karte ho Abbas hamara ehsaas

Qafila be saron samaan suwe shaam chala

Haye Abbas Haye Abbas ×4