Ya ali murtaza, ya ali murtaza..(3)

Zakhmi peshani hai murtaza ki

ibne muljim pe lanat khuda ki

Aa rahi hai sada mustafa ki

ibne muljim pe lanat khuda ki

1. Aasmaa'n par udasi hai chhayi

ghum mein doobi hui hai khudayi..(2)

shere dawar pe jisne jafa ki

ibne muljim pe lanat khuda ki

2. Khuld mein fatima ro rahi hai

jaan ummul banee'n kho rahi hai..(2)

muztarib hai safar ambiya ki

ibne muljim pe lanat khuda ki

3. Zainab e ghum zada hai pareshaa'n

kyu na hoorane jannat ho giryaa'n..(2)

hai jabee'n khoon khairul wara ki

ibne muljim pe lanat khuda ki

4. Kaise fizza jigar ko sambhale

bibi kulsoom karti hai naale..(2)

laash uthti hai shahe huda ki

ibne muljim pe lanat khuda ki

5. Hashr aalam mein hai aaj barpa

roke jibreel karte hai nauha..(2)

haye haye ali ne qaza ki

ibne muljim pe lanat khuda ki

6. Hanfiya karte hai haye haye

kaise hasnain ko chayn aaye..(2)

khair halat hai aale ebaa ki

ibne muljim pe lanat khuda ki

7. Sar patakte hai abbas e ghazi

khoon mein tarr hua hai namazi..(2)

inteha hogayi hai jafa ki

ibne muljim pe lanat khuda ki

8. Rozadaro mein mehshar bapa hai

ya ali ya ali ki sadaa hai..(2)

hai azadari mushkil kusha ki

ibne muljim pe lanat khuda ki

9. Girna jaye kahi'n aaj kaaba

uth raha hai ali ka janaza..(2)

aa rahi hai sada kibriya ki

ibne muljim pe lanat khuda ki

10. Subh ekkis ki hai qayamat

murtaza par hai tuti musibat..(2)

ibteda hogayi karbala ki

ibne muljim pe lanat khuda ki

11. Aye Azeem o Najaf ghum manao

tum bhi haider ka taboot uthao..(2)

tum jaza paoge is azaa ki

ibne muljim pe lanat khuda ki