PARDAYE GAIBAT KE WAADI SE YE AAYI HAI SADAA
AA RAHA HU JALD LENE INTEQAME KARBALA
HUKME RAB KA KITNI SADIYON SE MUJHE HAI INTEZAR
MOMINO MAI BHI TUMHARI HI TARHA HU BEQARAR
SAB MERI NAZRON ME HAI JO HAI JAHAA ME DAAFEDAAR
ZULFIQAARE HAIDERI KE WO BANENGE SAB SHIKAAR
AISE LOGON KE LIYE YE BANKE AAYEGI QAZAA
KAAFIRON KE DIL LARAZ UTHENGE HAIBAT SE MERI
QABR ME MURDE TALAK KAAMPENGE HAIBAT SE MERI
SAB TAHAADE SHER BHI MAARENGE HAIBAT SE MERI
AUR MUNAFIQ QAUF SE BHAGENGE HAIBAT SE MERI
MOMINO KO QAANAYE RAB SE MAI JAB DOONGA SADA
HAATH ME HOGA ALAM AUR ZULFIQARE HAIDERI
PHIR ZARA SONCHE ZAMANA KYA KARENGE QAIBERI
KOI KAR SAKTA HI NAHI DUNIYA MERI HAMSARI
MAI AKELA HI KARUNGA IS JAHAA ME REHBARI
SAARI DUNIYA ME MACHEGA SHOR MERE NAAM KA
SAB MUNAAFIQ AUR ZALIM HONGE GAIRON KI TARAH
MERI AAMAD PAR CHUPENGE DAR KE CHORON KI TARAH
WAAR JAB HONGE MERE NAZRON KE TEGHON KI TARHA
SAR HAWAA ME JAB UDHENGE SOOKHE PATTHON KI TARHA
IS TARHA HOJAYENGE DUNIYA SE YE SAARE FANAA
CHAAHNEWAALO QAYAMAT AB BAHUT NAZDEEK HAI
HAI BHAROSA AUR YAQEE US ZAATEBAARI PAR MUJHE
GUFTGU HOTI RAHI MERI TUMHARI DOOR SE
AISA LAGTA HAI DUA SUNLI MERI ALLAH NE
INTEZARI KA MERI HAI AB BAHUT KAM FAASILA
AAUNGA MAI ZAALIMO KE SAR UDHAANE AAUNGA
AAUNGA ZORE YADULLAHI DIKHAANE AAUNGA
AAUNGA MAI YAAD QAIBER KI DILAANE AAUNGA
AAUNGA GHAZI KI YAADON KO JAGAANE AAUNGA
TUMKO SAB MAALOOM HAI ABBAS HAI DADA MERA
SAB SE PEHLE APNI DADI KI LEHAD PAR JAAUNGA
AUR BAQI ME UNKA RAUZA JAAKE MAI BANWAAUNGA
APNE AANE KA HAR EK MAQSAD UNHE SAMJHAAUNGA
SAR JHUKAAKAR PHIR MAI DADI KI DUAYEN PAAUNGA
GODH ME UNKE MUJHE JAAKAR SUKOO MILJAYEGA
HAR SHAHEEDE KARBALA KI HOGI FIR MAJLIS BAPA
AAYEGA MAJLIS ME SHIRKAT TO MALAK KA QAFILA
MOMINO KE SAAMNE MAI QUD PADHUNGA MARSIYA
MARSIYA SUNKAR MERI DADI KO GASH AAYEGA
REHMATE NAAZIL KAREGA RONE WAALON PAR QUDA
MOMINO KE DIL MAKAA HAI AUR MAI UNKA MAKEEN
KEH RAHA HU SAAFGOYI SE YE SUNLE AHLE DEEN
NAUHA LIKHA HAI MERI JAANIB SE JO TUMNE HASEEN
KARBALA KI QAAK PAR RAKHOGE TUM EK DIN JABEEN
GODH ME LELEGI ZAIGHUM AUR HASEEN KO KARBALA