Haye Zainab(sa) haye Baazaar.. (2)

Jo sar khule Zainab(sa) safar karti rahi (2)

Ye baat hi Sajjad(as) ka zakhmi jigar karti rahi

1. Baazu bandhe the Bibi(sa) k baalo'n mein padi khaak

Aankho'n se khoo'n tapakta tha sadmo se jigar chaak

Aabid(as) k dil pe maut k (2) jaisa asar karti rahi

2. Unto'n pe rasan basta hai baazaare shaam mein

Jiske liye jhuke ye falak ehteraan mein

Us par sitam harek qadam (2) ye fauje shar karti rahi

3. Aansu bahaane lagta tha sar Shaahe deen(as) ka

Zainab(sa) pe raahe shaam mein aisa sitam hua

Quwwat nahi thi zabt ki (2) Zainab(sa) magar karti rahi

4. Kaanto'n pe chal raha hai jo beemaare naatawaa'n

Khoo'n ro rahi hai Aabide(as) muztar ki bediyaa'n

Bepardagi phuppiyo'n ki kham (2) uski kamar karti rahi

5. Darbaare shaam Bibi(sa) ne khutbo se dhaa diya

Beti ne apne baba ka lehja suna diya

Roohe Ali(as) bhi fakhr is (2) ke zabt par karti rahi

6. Naa bach saka wo bhai wo Zehra(sa) ka noore ain

Karti hi rahi koshishe'n wo khwahare Husain(as)

Chaahat mein bhai ki behen (2) hadd ye pisar karti rahi

7. "Imran o Shabih" bhai se apne wo bichhadkar

Kyun kar na taa hayaat rahein hum bhi nauhagar

Nauha wo apne bhai pe (2) jab umr bhar karti rahi