Baba baba mere baba
Namaze shab me koi baap mangta hai dua
Allah Allah - 2
Sukoone dil ke liye kar muje sakina ata
Kya Isi Din Ke Liye Mujh Ko Tha Manga Baba
Jod Kar Nanhay Se Haathon Ko Sakina Ne Kaha
Kya Isi Din Ke Liye Mujh Ko Tha Manga Baba
Jane Kyun Jashn Manate Hain Sata Kar Mujh Ko
Apne Bachon Ko Hasate Hain Rula Kar Mujh Ko
Shamiyon Ne Mere Rone Ko Tamasha Samjha
Kya Isi Din Ke Liye Mujh Ko Tha Manga Baba
Jod Kar Nanhay Se Haathon Ko Sakina Ne Kaha
Kya Isi Din Ke Liye Mujh Ko Tha Manga Baba
Baba Jaan Is Ka Sabab Kya Hai Khuda Hi Jane
Fatima Naam Kisi Ko Jo Bataya Maine
Be Jhijhak Us Ne Sakina Ko Tamacha Mara
Kya Isi Din Ke Liye Mujh Ko Tha Manga Baba
Jod Kar Nanhay Se Haathon Ko Sakina Ne Kaha
Kya Isi Din Ke Liye Mujh Ko Tha Manga Baba
Aap Ne Eid Pe Jo Dur Mujhe Pehnaye The
Shimr Ne Kaanon Se Is Tarah Wo Gauhar Noche
Dur Nahi, Khoon Bhi Hai Shimr Ke Haathon Mein Mera
Kya Isi Din Ke Liye Mujh Ko Tha Manga Baba
Jod Kar Nanhay Se Haathon Ko Sakina Ne Kaha
Kya Isi Din Ke Liye Mujh Ko Tha Manga Baba
Qabr Tak Bhool Na Payegi Tumhari Beti
Kaat Kar Ungli Tumhari Jo Angothi Khenchhi
Pehn Kar Us Ko Hi Zalim Ne Tamacha Mara
Kya Isi Din Ke Liye Mujh Ko Tha Manga Baba
Jod Kar Nanhay Se Haathon Ko Sakina Ne Kaha
Kya Isi Din Ke Liye Mujh Ko Tha Manga Baba
Khums Mein Maang Raha Hai Mera Bhai Chadar
Shaam Ke Log Humein Maar Rahe Hain Pathar
Aurtain Phenk Rahi Hain Meri Janib Sadqa
Kya Isi Din Ke Liye Mujh Ko Tha Manga Baba
Jod Kar Nanhay Se Haathon Ko Sakina Ne Kaha
Kya Isi Din Ke Liye Mujh Ko Tha Manga Baba
Aap Ki Laash Ko Jis Tarah Se Pamaal Kiya
Jeete Ji Mera Laeenon Ne Wahi Haal Kiya
Baandh Kar Ghodon Se Paidal Mujhe Daudaya Gaya
Kya Isi Din Ke Liye Mujh Ko Tha Manga Baba
Us Ne Abbas Ke Badle Yun Sakina Se Liye
Reh Gaye Haathon Mein Zalim Ke bhi Kuch Baal Mere
Mujh Ko Aaya Hi Nahi Koi Chhudane Wala
Kya Isi Din Ke Liye Mujh Ko Tha Manga Baba
Sun Ke Mohsin Yeh Buka Karte The Sab Arsh Nasheen
Jo Sakina Thi Sukoon Us Ke Muqaddar Mein Nahi
Khoon Mein Doobi Hai Tumhari Wo Tahajjud Ki Dua
Kya Isi Din Ke Liye Mujh Ko Tha Manga Baba