Haaye......
Zakhmoñ Se Choor Jab Hua Sarwar (as) Laadla
Baba Madad Ko Aaiye Bete Ne Di Sada
Sun Kar Sada Hussain (as) Ka Dil Baithne Laga
Aisa Laga Ki Aañkhoñ Se Rukhsat Hui Ziya
Bete Se Milne Ghutniyoñ Chalte Rahe Hussain (as)
Har Ek Qadam Pe Bas Yahi Kahte Rahe Hussain (as)
Dikhayi Kuch Nahi Deta
Ali Akbar (a.s) Mere Beta
Mujhe Aawaz do Beta
Kahañ Ho Aye Shabeeh e Mustafa (saws) Itna Bata Do
1. Jigar Ko Thaam Kar Aawaaz Do Lillaah Aye Beta
Tumheiñ Dhuñduñ Bhala Kaise Sujhayi Kuchh Nahiñ Deta
Taras Khao Zaeefi Par Zara Itna Bata Do
Kahañ Ho Aye Shabeeh e Mustafa (saws) Itna Bata Do ×2
2. Mere Noor e Nazar Tum Saheb e Aulaad Gar Hote
Bichhadna Baap Se Bete Ka Kya Hai Bakhabar Hote
Batauñ Haal e Dil Kaise Zara Itna Bata Do
Kahañ Ho Aye Shabeeh e Mustafa (saws) Itna Bata Do ×2
3. Sarhaane Aa gaya Hooñ Maiñ Mere Noor e Nazar Uttho
Sukoon e Qalb e Madar Aye Mere Lakht e Jigar Uttho
Kahañ Par Laal Hai Naiza Laga Itna Bata Do
Kahañ Ho Aye Shabeeh e Mustafa (saws) Itna Bata Do ×2
4. Tumheiñ Dulha Bane Dekhe Dil e Laila (as) Ki Hasrat Hai
Magar Zakhmi Jigar Dekhegi Ye Dukhiya Ki Qismat Hai
Jiyegi Kis Tarah Tum Bin Bhala Itna Bata Do
Kahañ Ho Aye Shabeeh e Mustafa (saws) Itna Bata Do ×2
5. Tumhari Yaad Me Jo Roz o Shab Yasrab Me Roti Hai
Tumhare Byaah Ke Armaan Me Khaati Na Soti Hai
Use Jaoge Lene Kab Bhala Itna Bata Do
Kahañ Ho Aye Shabeeh e Mustafa (saws) Itna Bata Do ×2
6. Meri Aañkhoñ Ka Taara Kho Gaya Hai Dasht e Ghurbat Me
Sar e Maqtal Maiñ Thokar Kha Raha Hooñ Jis Ki Furqat Me
Use Dhuñduñ Kahañ Ja Kar Bhala Itna Bata Do
Kahañ Ho Aye Shabeeh e Mustafa (saws) Itna Bata Do ×2
7. Mujhe Naane Ki Furqat Ka Alam Jab Bhi Satata Tha
Maiñ Tum Ko Dekh Leta Tha To Mujh Ko Chain Aata Tha
Kise Dekhega Ab Ye Ghamzada Itna Bata Do
Kahañ Ho Aye Shabeeh e Mustafa (saws) Itna Bata Do ×2
8. Sarhaane Aa gaya Hooñ Maiñ Mere Noor e Nazar Uttho
Sukoon e Qalb e Madar Aye Mere Lakht e Jigar Uttho
Kahañ Par Laal Hai Naiza Laga Itna Bata Do
Kahañ Ho Aye Shabeeh e Mustafa (saws) Itna Bata Do ×2
9. Pisar Ki Laash Par Ro Ro Ke Kahte The Shaih e Waala (as)
Tumhare Dil Me Hai Naize Ka Phal Uljha Hua Beta
Maiñ Khaichuñ Kis Tarah Naiza Zara Itna Bata Do
Kahañ Ho Aye Shabeeh e Mustafa (saws) Itna Bata Do ×2
10. Bhala Un Aayatoñ Ki Daastaañ Tehreer Ho Kaise
Gham e Quran e Naatiq Ki Hasan Tafseer Ho Kaise
Likhe Gul Kazmi Kaise Bhala Itna Bata Do
Kahañ Ho Aye Shabeeh e Mustafa (saws) Itna Bata Do ×3