Haaye Sajjad Haaye Beemar
Haaye Beemar Haaye Sajjad*2
Kaise Chale Hussain Ka Beemar Dhoop Me*2
Aao Madad Ko Hydar E Karrar Dhoop Me
Kaise Chale Hussain Ka Beemar Dhoop Me*2
1)
Rasta Bad a Taweel Hai Zakmi Hai Yediya'n
Zanjeer Itni Garm Hai Jalti Hai Pindliya'n
Jhulsa Raha Hai Tauqe Gara Bar Dhoop Me
Kaise Chale Hussain Ka Beemar Dhoop Me*2
2)
Chidkao Karte Jaate Hain Aansu Hussain Ke
Pairo' N Ko Kuch Sukoon Mile Noor E Ain Ke
Be Sayebaa'n Hai Qafila Saalar Dhoop Me
Kaise Chale Hussain Ka Beemar Dhoop Me*2
3)
Na Mehramo'n Ki Bheed Hai Chehra Nidhaal Hai
Phupiyo'n Ki Beridayi Ka Itna Malal Hai
Aata Hai Ghash Mareez Ko Har Baar Dhoop Me
Kaise Chale Hussain Ka Beemar Dhoop Me*2
4)
Zakhmi Hai Saara Jism Ghamo'n Ki Satayi Ka
Dil Kaamp Kaamp Jata Hai Seene Me Bhai Ka
Durre Layee'n Sakina ke Mat Maar Dhoop Me
Kaise Chale Hussain Ka Beemar Dhoop Me*2
5)
Abid Ke Paun Raah Me Chaalo'n Se Bhargaye
Jaldi Zamee'n Ne Saath Na Chorda Jidhar Gaye
Aisa Huwa Naseeb Giraftaar Dhoop Me
Kaise Chale Hussain Ka Beemar Dhoop Me*2
6)
Kam Karle Tu Hi Apni Tamazat Ko Aftab
Dena Padega Hashr Me Peshe Khuda Jawab
Hai Saath Binte Ahmad E Mukhtar Dhoop Me
Kaise Chale Hussain Ka Beemar Dhoop Me*2
7)
Naize Pe Sar Hussain Ka IsGham Se Hai Udaas
Koi Nahi Hai Abid E Muztar Ke Aaspas
Ek Ghamzada Phupi Hai Madadgaar Dhoop Me
Kaise Chale Hussain Ka Beemar Dhoop Me*2
8)
Mushkil Badi Hai "Aamir" O "Akhtar" Mareez Par
Hasnte Hain Raasto'n Me Sitam Gar Dhoop Me
Hai Ab To Saans Lena Bhi Dushwaar Dhoop Me
Kaise Chale Hussain Ka Beemar Dhoop Me*2.
Haaye Sajjad Haaye Beemar
Haaye Beemar Haaye Sajjad*2