Qaid May Chaudah Baras, Zulm O Sitam Dhaya Gaya
Kazim E Muztar Ko Tadpaya Gaya
Phir Nishan E Ismat E Sadaat Mitwaya Gaya
Qaid Kar Kay Lay Kay Aye Kazim E Naushad Ko
Phir Azadar E Janab E Syed E Sajjad Ko
Paon May Bedi Galay May Toq Pehnaya Gaya
Yad Abid Ki Asiri Agai Rotey Rahey
Paish E Hakim Pa Barhena Haye Paishi Kay Liye
Jis Ghari Sarkar Ko Darbar May Laya Gaya
Char Janib Ghup Andhera Tha Kay Jese Qabr Ho
Qaid Khana Aesa Lagta Tha Kay Jese Qabr Ho
Jeety Jee Is Qabr May Mola Ko Dalwaya Gaya
Qaid Khane Ki Aziyat Kam Thi Kiya Ay Zalimo
Kiyu Nabi Ki Aal Say Itni Adawat Hay Kaho
Dhaa Liye Sab Zulm To Phir Zeher Dilwaya Gaya
Jis Tarhan Zainab Hui Thi Apne Baba Say Juda
Be Padar Masooma E Qom Bhi Hui Wa Ghurbata
Bey Khata Jese Ali Ko Qatal Karwaya Gaya
Fatima Sughra Ko Jese Yaad Kartey Thy Hussain
Us Tarhan Milta Na Tha Beti Ky Bin Kazim Ko Chain
Qaid Khane Ko Bhi Bait Ul Huzn Banwaya Gaya
Chand Mazdoron Nay Lashay Ko Uthaya Aap Kay
Aur Janazah Pul Pay Laa Ky Rakh Diya Baghdad Kay
Haye Zanjeero May Bhi Mayyat Ko Bandhwaya Gaya
Ghul Huwa Konain May Mara Gaya Eik Bey Khata
Hogaye Hain Bey Padar Mola Raza, Yasir Raza
Haye Masooma Ky Sar Sy Baap Ka Saya Gaya
Qaid May Chodah Baras, Zulm O Sitam Dhaya Gaya
Kazim E Muztar Ko Tadpaya Gaya