Sochta hu tassavur me aksar

khaaq pe kaise sooi sakina

Shah ka seena tha bibi ka bistar

khaaq pe kaise sooi sakina.

1) qabr jaisa andhera makaa tha

Khud andhera bhi mehve fuga tha

Sara zindaa bhi giryaa kuna tha

Keh ke rote thay deewaar aur dar..

Khaaq pe kaise soi sakina..

2) jo sukoon e dil e shahedee'n thi'n

Apne baba ke gham me hazi thi'n

Maa ki godi me soti nahi thi

Khaaq pe apne rukhsaar rakh kar.

Khaaq pe kaise soi sakina..

3) sina e shah pe vo hazina

Bas sukoo'n se thi soti sakina

Jab na paya tha baba ka seena

Aya kaise sokoo'n vo mayyasar.

Khaaq pe kaise soi sakina..

4) shaam e gurbat me vo gham uthaaye

Kis qadar zakhm hai dil pe khaaye

Kaise kamsin ko phir neend aaye

Odh kar dard aur gham ki chadar ..

5) har qadam jo lage thay tamache

Haai rukhsaar zakhmi thay uske

Zakhm rukhsaar ke kab bhare thay

Khaaq pe apne rukhsaar rakh kar ..

Khaaq pe kaise soi sakina..

6) laadli thi jo ghar bhar ki aisi

Godh me hi thi har waqt rehti

Khaaq qadmo ne dekhi nahi thi

Haai barpa hua kyu na mehshar.

Khaaq pe kaise soi sakina..

7) sina e shah pe tha usko sona

Saan-e-haa aisa bacchi pe guzra

Baba aaye nahi sir hai ayaa

Tab samajh aya salman manzar

Khaaq pe kaise soi sakina..