Khuda ke ghar me khuda ke wali ka matam hai

Jahan me aaj imam e Ali ka matam hai

Yatim ho gaye Zehra ke dono lakhte jigar

Suna rahe hai yeh noha Hussain ko Qumbar

Ali wali ki sada hai Ali ka matam hai

Khuda ke ghar me khuda ke wali ka matam hai

Zamin roti hai yeh aasmaan rota hai

Ghame Ali me yeh sara jahaan rota hai

Khuda ke sher Nabi ke wasi ka matam hai

Khuda ke ghar me khuda ke wali ka matam hai

Dile Batool ko zalim ne taar taar kiya

Khuda ke ghar me khuda ke wali pe waar kiya

Yeh ek sadi ka nahi har sadi ka matam hai

Khuda ke ghar me khuda ke wali ka matam hai

Hamare ghar ka masiha nazar nahi aata

Jo roti deta tha fizza nazar nahi aata

Ke is jahan me khuda ke sakhi ka matam hai

Khuda ke ghar me khuda ke wali ka matam hai

Jo ek waar me dushman pachhad deta hai

2 ungliyo se woh khaiber ukhad deta hai

Khuda ke sher khuda ke jali ka matam hai

Khuda ke ghar me khuda ke wali ka matam hai

Nabi ke bhai Irfan hue itne sitam

Bayan kaise karega yeh Muazzam ka qalam

Ali Ali ki sada hai Ali ka matam hai

Khuda ke ghar me khuda ke wali ka matam hai