Haye,

Shame ghareeba'n..(2)

Jal gaye khaime, so gaya lashkar

lut gaya saara ghar Zainab ka

ab hai tanha,

na sarwar hai, na akbar hai, na ghazi hai

Laee'n naize se chadar cheenta hai kya kare Zainab..(2)

Thi jis bhai se dharas..(2)

mar gaya hai, kya kare Zainab

Laee'n naize se chadar..

1. Manata hai khushi zalim dikhata hai mujhe khanjar

bula Abbas ko apne, ye kehta hai wo has has kar

lahu chadar se meri..(2)

pochta hai, kya kare Zainab

Laee'n naize se chadar..

2. Tere har zarb ka ghazi behen se lega wo badla

laee'n khaime me aaya hai, utha kar haath mein durra

tumhi binte ali ho..(2)

puchta hai, kya kare Zainab

Laee'n naize se chadar..

3. Badi ghurbat ka aalam hai bandhe hai haath gardan se

bujhaye aag wo kaise sakina tere daman se

aur ab zalim tamacha..(2)

maarta hai, kya kare Zainab

Laee'n naize se chadar..

4. Kaha Zainab ne Abid se, Imam e waqt batlaye

yahi'n khaimo me jal jaye? ya hum bahar nikal jaye?

utho Sajjad mushkil..(2)

marhala hai, kya kare Zainab

Laee'n naize se chadar..

5. Kaha ye saad ke bete ne aakar ibn e nofil se

safar me chahe sab soye, magar Zainab nahi soye

abhi se warm rukh par..(2)

aagaya hai, kya kare Zainab

Laee'n naize se chadar..

6. Use ek maa ki tarha apne seene se laga leti

rasan hatho'n me na hoti, to girne se bacha leti

sare ghazi sina se..(2)

gir raha hai, kya kare Zainab

Laee'n naize se chadar..

7. Koi apna nahi tanha khadi hai dasht mein dekho

kafan kaise de atthara(18) bani hashim ke laasho ko

madina to nahi yeh..(2)

karbala hai, kya kare Zainab

Laee'n naize se chadar..

8. Kaha'n ho laal aajao tumhe maa yaad karti hai

utha kar raakh hatho'n mein Rabab ek simt baithi hai

Ali asghar ka jhula..(2)

jal gaya hai, kya kare Zainab

Laee'n naize se chadar..

9. Hai pehli shab yateemi ki use neend aayegi kaise

aye zeeshan o raza bali sakina soti thi jis pe

wo seena ran mein teero..(2)

se bhara hai, kya kare Zainab

Laee'n naize se chadar..