NAALA HAI JIBRAEEL KA KHALIQ DUHAYI HAI

SAJDE MAY TERE SHER NE TALWAR KHAYI HAI

1. SAR PIT-TE HAI AHLE JAMA-AT KHADE HUE

EK SHOR HAI IMAM NE TALWAR KHAYI HAI

2. ALLAH SE YEH KEHTI THI JANNAT MAY FATIMA

BACHCHE MERE YATEEEM HUE HAY HAY DUHAYI HAI

3. BOLI HASAN HUSAIN SE ZAINAB JIGAR FIGAAR

SUNTI HU MERE BABA NE TALWAR KHAYI HAI

4. AATA NAHI HAI BETIYON KO MAUT KA YAKEEN

ZAINAB PUKARTI HAI KE KYA NEEND AAYI HAI

5. ABBAS KA TADAPNA NA ZAINAB SE PUCHIYE

KEHTA HAI BACHPANA YAHI PEHLI JUDAYI HAI

6. EKKISWI KO UTH GAYA DUNIYA NA BADSHAH

MAYYAT HASAN HUSSAIN NE ROKAR UTHAYI HAI

7. AFSOS IBNE MULJIME MALOON KI TEG NE

SIBTAIN KO MALAL KI SURAT DIKHAYI HAI

8. NANA KA HIJR MA KA FIRAAQ APNE GHAR SE DOOR

IS DIL SE PUCHO JISNE YEH MAYYAT UTHAYI HAI

9. EKKISWI KI RAAT KA PICHLA WOH AAKHRI

EK SHOR HAI KE SHAMMA SEHER JHILMILAYI HAI

10. AI MOMINO TUMHARA JO PEHLA IMAAM THA

ZAALIM NE USKO SAJDE ME ZARBAT LAGAI HAI

11. MASJID SE JARAHE HAI TAHE QABR SHERE HAQQ

KA'BA TABAH HO GAYA HAQ KI DUHAI HAI...