Har Dour Mein Zamanay Ko Shabbir A.S Chahiye,

Quran Ko jesy Aya-e-Tatheer Chahiye..

1- Islam ne Hussain k dar par kiya sawal,

Roshan charagh-e-Karb-o-bala kar Ali k lal,

Tery Laho Se deen ko Touqeer Chahye..

2- Kehta hey aik sar ye musalsal sar-e-sina'n,

Darkar sirf jazba-e-Eisaar hey yahan,

Shamsheer chahiye na koi teer chahiye..

3-Lakho'n ko maar dala bahattar ne kis tarha,

Paththar ko bhi rulaya hey Asghar ne kis tarha,

Bus faislo'n me hikmat o tadbeer chahiye..

4-Ghairay huay hen Qibla-e-awwal ko ahl-e-shar,

Bacho'n ka khoon behta hey maain hen noha-gar,

Phr Karbala-e-Asr ko Shabbir chahiye..

5-Shabbir se jo lasha-e-Akbar na uth saka,

Khaimay ki samt dekh k karnay lagay buka,

Aao tumhara sath Ae Hamsheer chahiye..

6-Qaidi hey kon Bint-e-Ali ne bta diya,

Khutbo'n ka waar aesa k darbar gir para,

Khunjar ki aarzu hey na shamsheer chahiye..

7- Insaniyat Ka Dunya Mein Koi nahi Hai Kam,

Fitna Gari Kay Sath Hai Zulm O Sitam Bhi Aam,

Insaniyat Ko Hurr a.s Teri Taqdeer Chahiye..

8-Zain O Zafar ki hey dua, ae mere Imam,

Qissa har aik zulm ka ab jald ho tamam,

Mola hamaray khuabo'n ko tabeer chahiye..