Nok e neza se sar e Shabbir deta tha sada

Shukria Zainab, Shukria Zainab

Tu ne apne bhai ke Maqsad ko poora kar diya

Shukria Zainab, Shukria Zainab

Tere dam se aaj baaqi deen ke qanoon hain

Mustafa Mashkoor hain, kul Ambiya Mamnoon hain

Tere hi isaar ne bakhshi Shariyat ko baqa

Shukria Zainab, Shukria Zainab

Karwan e deen e Haq kehlaya tera karwaa

Tu hai quraa'n ki muhafiz, tu shariyat ki hai jaa'n

Sar pe kaabey ke nazar aati hai teri hi Rida

Shukria Zainab, Shukria Zainab

Saani e zahra hai tu, tera nahi koi badal

Karbala se shaam tak tera hai maidan e amal

Hausle me tu Ali hai, azm me hai Fatma

Shukria Zainab, Shukria Zainab

Hausle deewar tere, aur zubaa'n hai Zulfiqar

Tere khutbo ne kiya, damaaan e baiyat, taar taar

Tere ek ek lafz par qurbaan rooh e Murtaza

Shukria Zainab, Shukria Zainab

Yun luta gulshan ke zakhmi daali daali ho gai

Mar gaye Aaon o Mohammed, god khali ho gai

Is qayamat par bhi tu ne shukr ka sajda kiya

Shukria Zainab, Shukria Zainab

Bhai ke maqsad ki khatir seh gai ranj o mehan

Pusht par durro ki barish, aur shano me rasan

Khaar raho ke pukare, zarra zarra keh utha

Shukria Zainab, Shukria Zainab

Sarbr ki sarhaq me rakha apni har fariyad ko

Mashwarey deti rahi tu Sayyed e Sajjad ko

Kaun samjhe ga faseel ab kya hai tera martaba

Shukria Zainab, Shukria Zainab