Hai Teray Khoon Main Dooba Tera Chehra Abbas

Kesay Shabbir Nay Na Janay Hai Daikha Abbas

1) Ro Kay Kehtay Thay Teray Baad Hai Mushkil Jeena

Haye Shabbir Ka Tab Phat Gaya Gham Say Seena

Goud Main Sar Tera Jab Shah Nay Rakha Abbas

2) Ro Para Peet K Sar Us Ghari Zahra Jaya

Zakhmi Sar Baba Ka Shabbir Ko Tab Yaad Aya

Gurz Sar Par Teray Zalim Nay Jo Mara Abbas

3) Dono Bazoo Bhi Teray Zalimo Nay Kaat Diay

Kesay To Zeen Pay Sambhla Tha Ye Mashkeeza Liay

Moo K Bal Zeen Say Haye Too Gira Tha Abbas

4) Un K Nohon Ki Sada Sun Kay Na Gir Jaye Falak

Wo To Baba Ka Janaza Nahi Bhooleen Ab Tak

Kesay Behnain Tera Daikhaingi Janaza Abbas

5) Yaad Rakhoon Ga Main Saqqa E Sakeena Ki Wafa

Gham Ye Shabbir Ko Par Maar Gaya Hai Tera

Waqt E Akhir Gaya Is Dunya Say Pyasa Abbas

6) Kaash Maa Zehra Ko Zalim Na Satatay Haye

Kaash Wo Baba Ali Ko Na Rulatay Haye

Kaash Maqtal Main Tera Koon Na Behta Abbas

7) Ro Kay Shabbir Ye Kehtay Thay Asad Waawaila

Ek Din Daikhna Jab Mehdi Mera Ayega

Lay Ga Zalim Say Wo Har Zulm Ka Badla Abbas