Maa Ye Karti Hai Bain (4)

Thhak Gaya Hai Hussain, Thhak Gaya Hai Hussain

Thhak Gaya Hai Hussain (2)

1) Karbala Se Ye Zahra Ki Aayi Sada

Mera Beta Hai Lakht E Dil E Mustafa

Zakhm Khaa Kar Woh Deeñ Ko Bachaane Chala

Zulm Karte Haiñ Aada Woh Hai Be Khata

2) Dekho Baba Nawaase Ne Deeñ Ke Liye

Jaañ Nisaari Pa Apne Pisar De Diye

Had Hai Abbas O Qasim Bhi Maare Gaye

Itne Sadme Utha Kar Ye Kaese Jiye

3) Kham Kamar Hogayi Jab Se Bhaayi Gaya

Dard Bete Ka Beenaayi Sab Le Gaya

Pyaas Itni Ke Shaq Hai Kalaija Tera

Shiddat E Dhoop Se Tu Tadapta Raha

4) Tujhko Maqtal Me Jaane Ki Taaqat Nahiñ

Laashe Akbar Bhi Laane Ki Taaqat Nahiñ

Qabr E Asghar Banaane Ki Taaqat Nahiñ

Zakhm Saare Uthaane Ki Taaqat Nahiñ

5) Kitne Naazoñ Se Bachpan Hai Tera Kata

Zalimoñ Ne Tere Saath Ye Kya Kiya

Kitni Raatoñ Ka Beta Tu Jaaga Huwa

Aaja Maadar Ki Aaghosh Me Laal Aa

6) Toone Akbar Ke Seene Se Kheeñchi Sinaañ

Tere Chehre Pa Asghar Ka Khooñ Hai Ayaañ

Haaye Tere Gale Par Chhuri Hai Rawaañ

Aao Imdaad Karne Ko Ay Baba Jaañ

7) Zulm Se Kiske Zakhmi Hai Teri Jabeeñ

Kisne Beta Teri Pasliyaañ Tod Diñ

Jism Hai Tera Teeroñ Pa Ay NaazneeñPhir Bhi Beta Ye Tu Bolta Kyuñ Nahiñ

8) Bole Shabbeer Waade Ko Poora Karuñ

Hai Ye Marziye Rab Sakhtiyaañ Maiñ Sahuñ

Sajda E Shukr Me Zer E Khanjar Rahuñ

Aap Hi Bolo Maa Ab Maiñ Kaese Kahuñ

9) Asr E Ashoor 'Taqleed' Aañdhi Chali

Shimr Ne Jab Gale Par Chalaadi Chhuri

Qabr E Haider Bhi 'Shozab' Larazne Lagi

Roke Boli Ye Maqtal Me Bint E Nabi