Maa Ye Karti Hai Bain (2)

Thhak Gaya Hai Hussain

Thhak Gaya Hai Hussain (2)

Karbala Se Ye Zehra Ki Aayi Sada

Mera Beta Hai Lakht E Dil E Mustafa

Zakhm Khaa Kar Wo Deeñ Ko Bachaane Chala

Zulm Karte Haiñ Aada Wo Hai Be Khata

Thhak Gaya Hai Hussain (2)

Dekho Baba Nawaase Ne Deeñ Ke Liye

Jaañ Nisaari Pa Apne Pisar De Diye

Had Hai Abbas O Qasim Bhi Maare Gaye

Itne Sadme Utha Kar Ye Kaese Jiye

Thhak Gaya Hai Hussain (2)

Kham Kamar Hogayi Jab Se Bhaayi Gaya

Dard Bete Ka Beenaayi Sab Le Gaya

Pyaas Itni Ke Shaq Hai Kalaija Tera

Shiddat E Dhoop Se Tu Tadapta Raha

Thhak Gaya Hai Hussain (2)

Tujhko Maqtal Me Jaane Ki Taaqat Nahiñ

Laashe Akbar Bhi Laane Ki Taaqat Nahiñ

Qabr E Asghar Banaane Ki Taaqat Nahiñ

Zakhm Saare Uthaane Ki Taaqat Nahiñ

Thhak Gaya Hai Hussain (2)

Kitne Naazoñ Se Bachpan Hai Tera Kata

Zalimoñ Ne Tere Saath Ye Kya Kiya

Kitni Raatoñ Ka Beta Tu Jaaga Huwa

Aaja Maadar Ki Aaghosh Me Laal Aa

Thhak Gaya Hai Hussain (2)

Toone Akbar Ke Seene Se Kheeñchi Sinaañ

Tere Chehre Pa Asghar Ka Khooñ Hai Ayaañ

Haaye Tere Gale Par Chhuri Hai Rawaañ

Aao Imdaad Karne Ko Ay Baba Jaañ

Thhak Gaya Hai Hussain (2)

Zulm Se Kiske Zakhmi Hai Teri Jabeeñ

Kisne Beta Teri Pasliyaañ Tod Diñ

Jism Hai Tera Teeroñ Pa Ay Naazneeñ

Phir Bhi Beta Ye Tu Bolta Kyuñ Nahiñ

Thhak Gaya Hai Hussain (2)

Bole Shabbeer Waade Ko Poora Karuñ

Hai Ye Marziye Rab Sakhtiyaañ Maiñ Sahuñ

Sajda E Shukr Me Zer E Khanjar Rahuñ

Aap Hi Bolo Maa Ab Maiñ Kaese Kahuñ

Thhak Gaya Hai Hussain (2)

Asr E Ashoor 'Taqleed' Aañdhi Chali

Shimr Ne Jab Gale Par Chalaadi Chhuri

Qabr E Haider Bhi 'Shozab' Larazne Lagi

Roke Boli Ye Maqtal Me Bint E Nabi

Thhak Gaya Hai Hussain (2)