Ali Ke Sher Ke Sar Se Ali Ka Saya Utha

Yateem Hogay Abbas Haye Wawaila

1- Chala Di Sar Pe Jo Talwaar Ibne Muljim Ne

Khuda Ka Ghar Huwa Rangeen Khoone Haider Se

Bicha Ke Farshe Aza Keh Rahe Hain Ahle Aza

2- Shaheed Kar Diya Sajde Me Ik Namaazi Ko

Ye Kamsini Me Mila Kaisa Daag Gazi Ko

Pisar Ki Aankho Se Rukte Nahi Hain Ashqe Aza

3- Ali Ka Laal Ye Manzar Kabhi N Bhulega

Lahu Me Duba Huwa Sar Kabhi N Bhulega

Padar Ke Baad Gazanfar Ki Khaak Hai Duniya

4- Wo Jisne Loriya Dekar Sulaya Bete Ko

Wo Jisne Ungli Pakad Kar Chalaya Bete Ko

Janaza Uthta Hai Aise Kareem Baba Ka

5- Fir Ahlebait Pe Allah Kya Musibat Hai

Hasan Ke Kandho Pe Shere Khuda Ki Mayyat Hai

Uda Ke Khaak Ye Jibreel Padhte Hain Nouha

6- Zami Ko Chain Nahi Gam Se Aasma Nam Hai

Abu Turaab Ki Mazloomi Ka Ye Aalam Hai

Jaha Se Roze Ki Haalat Me Rozadaar Chala

7- Jo Bhar N Payega Wo Zakhm Dil Pe Khaya Hai

Ali Ke Laal Ne Ye Pehla Gam Uthaya Hai

Dilaasa Deti Hai Bhai Ko Saniye Zahra S.A

8- Ali Ko Asr Ka Manzar Lahu Rulata Hai

Wo Khooni Dasht Jo Moula Ko Yaad Aata Hai

Jari Ke Baazu Gala Choomte Hain Sarwar Ka

9- Libaase Sog Me Farhaan Sara Aalam Hai

Kahi Pe Nouha Hai Rizwa Kahi Pe Maatam Hai

Jari Ko Deta Hai Ye Keh Ke Har Koi Pursa