Zahra ki betiyaa'n..(4)

Sadme bohot uthaengi, zahra ki betiya'n..(2)

Baazar mein jo aaengi..(2)

zahra ki betiya'n

Sadme bohot uthaengi, zahra ki betiya'n..(2)

1. Har ek qadam pe hongi qayamat ki manzile

zindaan tak rahegi musalsal ye mushkile

darbaar mein bhi jaengi..(2), zahra ki betiya'n

2. Shabbir ne to waada e tifli nibha diya

ek waada sheh se zainab o kulsoom ne kiya

waade ko ab nibhaeng..(2), zahra ki betiya'n

3. Galiyo mein shehr e shaam ki karte hue safar

baalo se apna chehra chupa lengi wo magar

sar kis tarha chupaengi..(2), zahra ki betiya'n

4. Kaato pa hai kabhi kahi sholo ka hai safar

patthar dilo ke haath mein, pathar ko dekh kar

aankho'n se khoo'n bahaengi..(2), zahra ki betiya'n

5. Baalo ki jo safedi ayaa'n kar rahi hai wo

kyu chaa gayi safedi hue konse sitam

sughra ko sab bataengi..(2), zahra ki betiya'n

6. Shimr e laeene bola ke ghaazi ko ab bula

be khauf taziyana wo lehrake le chala

kisko magar bulaengi..(2), zahra ki betiya'n

7. Paigham ruk sakega na khairul anaam ka

qatil ke ghar mein shahe shaeeda'n ke naam ka

farshe azaa bichaengi..(2), zahra ki betiya'n

8. Jaenge shaam akbar o salman azmi

pursa karenge saath sabhi sheh ke matami

roze pe jo bulaengi..(2), zahra ki betiya'n

Sadme bohot uthaengi, zahra ki betiya'n..(2)

Zahra ki betiyaa'n..(4)