Zehra hain musalle par tasbeeh ki sadaen hain.

Hon khair se shehzadi Asmaa ki duaen hain

1. Mujhpar jo sitam toote wo kaise sahe jaate

Gar din pe jo padte to wo shab me badal jaate

Zehra ko is ummat ne din ayse dikhae hain

2. Beti ko teri baba ummat ne na pehchana

Jis dar pa malak aate usdar ko jala dala

Mohsin ki shahadat pe khoon mujh ko rulae hain

3. Jo zakhm hai pehlu ka baba abhi taaza hai

Baazu hain mere neele rukhsaar bhi neela hai

Haider se magar maine har zakhm chupae hain

4. Darwaza gira mijhpar pehlu bhi shikasta hai

Pehlu ki tarha meri turbat bhi shakista hai

Hai ajre risalat ye ummat se jo paaen hain

5. China Gaya haq Mera gum iska nahi mujhko

Darbaar me zalim ke jhutlaya Gaya mujhko

Siddiqa e aalam ne ye zakhm bhi khaen hain

6. Tehreer Teri baba wo phadta jaata tha

Hanste hue wo zalim tukdon ko udata tha

Tukde sanad ke maine ro ro ke uthae hain

7. Kuch log se zehra ko pochi wo aziyat hai

Khamosh raho bachon amma ki wasiyat hai

Aaen na janze me dil jisne dukhaen hain

8. Minhaal aur meesam bolo ye sare mimbar

Naraaz usse rab hai naraaz hain payambar

Aale rasool ke dil jis jis ne dukhaen hain