یہ کربلا میں کیا ہوا زینبؑ کے سامنے

زہراؑ کا گھر اُجڑ گیا زینبؑ کے سامنے

پانی پلا نہ پائی دمِ ذبح بھائی کو،

سر تن سے کر دیا جدا زینبؑ کے سامنے

بھائی تڑپتا رہ گیا تیروں کی نوک پر،

نوکِ سناں پہ سر چڑھا زینبؑ کے سامنے

مقتل میں ہائے گھوڑوں سے پامال ہو گیا

بنتِ نبیؐ کا لادلا زینبؑ کے سامنے

بعدِ حسینؑ آگ لگا دی خیام میں،

ایک ایک خیمہ جل گیا زینبؑ کے سامنے

خیموں کے ساتھ راکھ ہوا جل کے ہائے ہائے،

جھولا بھی شیر خوار کا زینبؑ کے سامنے

غازی کے سر نے دیکھا جو بہنوں کو بے ردا،

نیزے سے نیچے گر گیا زینبؑ کے سامنے

چہرہ لہو سے بھر گیا زہراؑ کے لال کا،

پتھر جبیں پہ جب لگا زینبؑ کے سامنے

ماری چھڑی یزید نے منہ پر حسینؑ کے،

پھر طشت خوں سے بھر گیا زینبؑ کے سامنے

مانگا سکینہ بی بیؑ نے پانی جو شمر سے،

مارا طمانچہ زور کا زینبؑ کے سامنے

دھکا کچھ اس طرح دیا عابدؑ کو شمر نے،

بیمار منہ کے بل گرا زینبؑ کے سامنے

شمشاد تیرے نوحے کو سن کر بہشت میں،

سارا گھرانہ رو پڑا زینبؑ کے سامنے

Yeh Karbala mein kya hua Zainab ke saamne,

Zahra ka ghar ujad gaya Zainab ke saamne.

Paani pila na paayi dam-e-zibh bhai ko,

Sar tan se kar diya juda Zainab ke saamne.

Bhai tadapta reh gaya teeron ki nok par,

Nok-e-sina pe sar chadha Zainab ke saamne.

Maqtal mein haaye ghodon se paamaal ho gaya,

Bint-e-Nabi ka laadla Zainab ke saamne.

Baad-e-Hussain aag laga di khayaam mein,

Ek ek khaima jal gaya Zainab ke saamne.

Khaimon ke saath raakh hua jal ke haaye haaye,

Jhoola bhi sheekhaar ka Zainab ke saamne.

Ghazi ke sar ne dekha jo behnon ko be-rida,

Neze se neeche gir gaya Zainab ke saamne.

Chehra lahu se bhar gaya Zahra ke laal ka,

Patthar jabeen pe jab laga Zainab ke saamne.

Maari chhadi Yazid ne munh par Hussain ke,

Phir tasht khoon se bhar gaya Zainab ke saamne.

Maanga Sakina Bibi ne paani jo Shimr se,

Maara tamaancha zor ka Zainab ke saamne.

Dhakka kuchh is tarah diya Abid ko Shimr ne,

Beemaar munh ke bal gira Zainab ke saamne.

Shamshad tere nauhe ko sun kar bahisht mein,

Saara gharana ro pada Zainab ke saamne.