Abbas-e-alamdar

[Abbas-e-alamdar, abbas-e-alamdar] ×4

Abbas-e-alamdar, abbas-e-alamdar, Tumsa to zamaane me nahi koyi wafadar,

[Abbas-e-alamdar, abbas-e-alamdar] ×2

Hai naame wafa aaj talak tujse hi baaki

Rakhi jo sare aab hai bunyaad wafaa ki

Is baat se karsakta nahi koyi bhi inkaar

[Abbas-e-alamdar, abbas-e-alamdar] ×2

Kha sakta nahi jhooti kassam koyi tumhaari

Hai ek siffat baab-e-hawaaij bhi tumhaari

Tu chahe to ruk jaaye abhi waqt ki raftaar

[Abbas-e-alamdar, abbas-e-alamdar] ×2

Ik mashk bhari nehr se, ik mashk diya khoon

Jab mashk chidi behgaya sine se tera khoon

Zainab ne kahaa maara gaya mera madadgaar

[Abbas-e-alamdar, abbas-e-alamdar] ×2

Dharas tha Sakina ki alamdar ka peykar

Jab tak raha zindaa na chini bibi ki chadar

Baad aap ke dakhil huwe khaymo(n) me sitamghar

[Abbas-e-alamdar, abbas-e-alamdar] ×2

Tum bazuwe shabbir ho haider ke pisar ho

Lashkar ke alamdar Sakina ka jigar ho

Jitey hai(n) tumhe(n) dekh ke bas sayyede abraar

[Abbas-e-alamdar, abbas-e-alamdar] ×2

Tum ruh-e-ali, jaan-e-hussain, ibn-e-ali ho

Tum ibne wali, ibne wali, ibne wali ho

Hai dushamne dee(n) ke liye bazu teri talwaar

[Abbas-e-alamdar, abbas-e-alamdar] ×2

Paani pe alam tere siwaa kisne lagaya

Mashkize me darya ko tumhi ne hai uthaya

Tum lashkar-e-shabbir ke ho haider-e-karrar

[Abbas-e-alamdar, abbas-e-alamdar] ×2

Tum Fatema Zehra ki duwawo ka asar ho

Tum dhoop me Zainab ke liye misle shajar ho

Parcham ka pharayra hai tera aisa hawaadar

[Abbas-e-alamdar, abbas-e-alamdar] ×2

Haider ne namaazo me jo Allah se manga

Kehte the khuda de mujhe Abbas sa beta

Wo jisko kahe sara arab Ghaziyo Jarrar

[Abbas-e-alamdar, abbas-e-alamdar] ×2

"Rehan" kalam zikre alamdar karenga

"Abbas" ke munkir ko jo talwaar lagenga

Wo mere madadgaar hai mai unka hu ghamkhwaar

[Abbas-e-alamdar, abbas-e-alamdar] ×2

Abbas-e-alamdar, abbas-e-alamdar, Tumsa to zamaane me nahi koyi wafadar,

[Abbas-e-alamdar, abbas-e-alamdar] ×2