Mujhko zindaan ki azeeyath se bachalo baba (2)

Khoon rawan kanon se rehta hai azeeyath ke sabab

Neend aati nahi rassi ki azeeyath ke sabab

Aao aakar mujhe seene pe sulalo baba

Mujhko zindaan ki azeeyath se bachalo baba (2)

Kitna tareek pata hai yeh bayan kaise karun

Saqt pabandi hai rone pe fugaan kaise karun

Khaaq pe baithi hun hun godi may uthalo baba

Mujhko zindaan ki azeeyath se bachalo baba (2)

Mai hun khamosh mere ashq sazaa dete hain

Aah karti hun to jallad saza dete hain

Mujhko is gham e musibath se nikalo baba

Mujhko zindaan ki azeeyath se bachalo baba (2)

Waqt e mushkil hai agar ab bhi nahi aaoge

Baad may aaye toh zinda na mujhe paaoge

Tohkarein khati hun girti hun sambhalo baba

Mujhko zindaan ki azeeyath se bachalo baba (2)

Aisa din tha hai ke amma se mulaqath nahi

Bolti rehti hun khudsar ka koi baaqi nahi

Kuch toh bolo meri faryaad na taalo baba

Mujhko zindaan ki azeeyath se bachalo baba (2)

Imtehan shimr e layein leta hai chahath ka meri

Dekho phailati hai daaman ko tumhari beti

Apni chahath meri aagosh me dalo baba

Mujhko zindaan ki azeeyath se bachalo baba (2)

Ashq rehaan me aashiq ke bahay jaate hain

Lagta hai abid e beemar ye farmate hain

Apni rooti hui beti ko manalo baba

Mujhko zindaan ki azeeyath se bachalo baba (3)