Abbas Kate haathon ka Ejaz dikha do din mere palath do meri taqdeer banaa do

1. Mai bekas o majboor hoon naachar hoon maula

muflis hoon tah e dasht hoon naadar ho maula

Alaam o masaeeb mei giraftaar hoon maula

is waste ka talab gaar hoon maula

2. Mushkil mei Ghareeb’on ke madadgaar tumhi ho

har bekaso be yaar ke gham khaar tumhi ho

farzaand e yadullah ho muqtaar tumhi ho

Fauj e shah e bekas ke Alamdar tumhi ho

3. Allah ne baqsha hai tumhe Rutba e Aali

mohtaaj ke daata ho to bekas ke ho waali

tum babul hawaej ho zamana hai sawaali

mai bhi hoon gadaa aur mera daaman bhi hai khaali

4. Aye Nasir e deen sarwar e mazloom ka sadqa

Aye haami e deen Zainab o kulsoom ka Sadqa

besheer ke Sukhe huwe hulkhoom ka sadqa

Sajjad ka aur baqer e masoom ka sadqa

5. Har simt se mujh per hai musibat ki chadhaai

apne gham o alaam hai khushiyaan hai parayi

har raahat e duniya ne Nazar mujhse phiraayi

dil deta hai ro ro ke Sakina ki Duhayi

6. Agha Shah e mazloom ki Tauqeer ki Sadqa

bechaargi e zainab dilgeer ka sadqa

darbaar mei goonji huwi taqreer ka sadqa

beemar se lipti huwi zanjeer ka sadqa

7. Agha ye Ghulam apna kise haal sunaye

kaun aisa hai toota huwa dil jisko dikhaaye

Apne bhi nazar aane lage ab to paraye

hai kaun tumhare siwa bigdi jo banaye..