Hizabre Dashte Nainawa Ameere Lashkare Hussain
Nihange Qulzume Wagha Ameere Lashkare Hussain
Khadange Tarkashe Khaza Ameere Lashkare Hussain
Barange Shaahe La Fata Ameere Lashkare Hussain
Jari Diler Bawafa Ameere Lashkare Hussain
Wafa Ba Hadde Maujeza Ameere Lashkare Hussain
Hizabre Dashte Nainawa…
Ye Zulfaqare Hyderi Ye Shere Beshaye Najaf
Ye Taygo Tayz Hashmi Nishane Jurrate Salab
Har Ek Ka Markaze Nazar Kafeele Tashnagane Taf
Kanare Nehre Alqama Tamam Fauj Ka Hadaf
Kisi Se Par Na Ruk Saka Ameere Lashkare Hussain
Hizabre Dashte Nainawa…
Bahadurane Safshikan Mein Is Jari Ke Tazkire
Dilwarane Taygho Zan Mein Is Jari Ke Tazkire
Har Ek Wafa Ki Anjuman Mein Is Jari Ke Tazkire
Rasoole Paak Ke Chaman Mein Is Jari Ke Tazkire
Ghuroore Aale Mustafa Ameere Lashkare Hussain
Hizabre Dashte Nainawa…
Hussain Ka Aqi Bhi Hai Hussain Ka Ghulam Bhi
Hussain Ki Sipar Bhi Hai Tabar Bhi Hai Husaam Bhi
Hussain Ki Zira Bhi Hai Kamaa Bhi Hai Sihaam Bhi
Hussain Hukm De Agar To Shimr Se Kalaam Bhi
Wagarna Wo Kuja Kuja Ameere Lashkare Hussain
Hizabre Dashte Nainawa…
Hussain Izn De Agar Abhi Ye Sab Ko Dekhle
Abhi Iraq O Shaam Ko Abhi Halab Ko Dekhle
Abhi Abhi Ye Koofiyane Be-Adab Ko Dekhle
Muqabila Jo Aa Pade To Kul Arab Ko Dekhle
Misaale Shaahe La-Fata Ameere Lashkare Hussain
Hizabre Dashte Nainawa…
Ishara E Imam Ho To Fatha Mein Dhara Hai Kya
Shoyae Mehr Ke Liye Ye Shaam Ki Ghata Hai Kya
Furaat Tak Na Jaane De Kisi Mein Hausla Hai Kya
Ali Ke Sher Ke Liye Ye Jang E Karbala Hai Kya
Ulat De Taqt Shaam Ka Ameere Lashkare Hussain
Hizabre Dashte Nainawa…
Yazeed E Bad Nihaad Se Sukoone Zaat Cheen Le
Muhafizeene Nehr Se Haqe Hayaat Cheen Le
Jo Marziye Hussain Ho Abhi Furaat Cheen Le
Furaat Kya Hai Ye Wo Hai Ke Kayenat Cheen Le
Bada Baland Hausla Ameere Lashkare Hussain
Hizabre Dashte Nainawa…
Magar Yahan To Hukm Hai Ke Bas Ali Ke Sher Bas
Hussain Apni Zindagi Se Ho Chuka Hai Sayr Bas
Qareeb E Waqte Asr Hai Bas Ab Mere Dilayr Bas
Hamare Kooch Mein Kahin Mazeed Ho Na Dayr Bas
Karega Taaba Gar Wagha Ameere Lashkare Hussain
Hizabre Dashte Nainawa…