har durood aur har salaam
madare hussain tere naam
zaujaye ali e sar buland
fatema azeem arjumand
jiske aastane paak ke
qudsiyane arsh hai ghulam
har durood aur....
hai wo fatema wo fatema
aarzoo-e-qalb e mustufa
jiske laadle hassan hussain
jiski betiyan falak muqaam
har durood aur....
kat raha tha farte shahe deen
chal raha tha khanjare layeen
bibi aap dekhti rahi
mit gaye haram jale khayaam
har durood aur....
har durood aur salam
khwahare hussain tere naam
saniye janabe sayyeda
allah allah tera hausla
khoob ki hifazate haram
baad-e-qatle sayyede anaam
har durood aur....
bibi gham uthaye hai bahot
dil pe daagh khaaye hai bahot
tujpe ay hussain ki behan
hogayi musibatein tamaam
har durood aur....
karbala may apne dilruba
kardiye hussain par fida
aun aur mohamede jari
hogaye shaheed-e-tashnakaam
har durood aur....
daulate batool lut gayi
dukhtare rasool lut gayi
chin gayi saro se chadarein
jal gaye hussain ke qayam
har durood aur....
mayyate padi hai bekafan
kya kare hussain ki behan
bekasi aur aisi bekasi
shaam aur karbala ki shaam
har durood aur....
inqilaabe waqt dekhiye
imtihaane saqt dekhiye
sar khule rasool zadiyan
aur ahle shar ka ijtema
har durood aur....
har durood aur salam
dukhtare hussain tere naam
shimr kibriya ka waasta
tujko mustafa ka waasta
binte shah be-gohar na thi
mubtela-e-gham hai tashnakaam
har durood aur....
shimr ke tamache khaaye hai
bibi kitne gham uthaye hai
baap ki judaai kam na thi
tujpe qaid ke sitam khatam
har durood aur....
bibi aap par sitam huwe
mar gayi pidar ka gham liye
haaye jeete ji na chut saka
qaid qaanaye ameere shaam
har durood aur....