Amma kaha ho aajao aakar mujhe sambhalo

1. Pehlu mein apne jaise bachpan mein sulati thi

Haatho'n se apne paani jis tarha pilati thi

pyaasa bohot hu amma paani zubaa'n pe daalo

2. Zakhmo se choor hu mai, aur ghar se door hu mai

amma talepe sar hai ye bekasoor hu mai

jalti zamee'n se amma aakar mujhe uthalo

3. Amma meri sawari nana rasool bankar

galiyo'n mein ghoomte the socho zara wo manzar

nana ko mere amma yasrab se tum bulalo

4. Dekho wo shimr aaya, khanjar liye sirhane

amma mere gale ko chooma hai Mustafa ne

bosa gale ka peeto katne se tum bachalo

5. Ab waqt aakhri hai Zainab tere hawale

amma meri behen ke aankho'n ke sab ujale

maqtal mein bekafan hai apni rida udado

6. Zahra ke saath Haider, maqtal mein aagaye the

maa ki fugha se shahid aflaak kaanpte the

rehan ye sadaa thi amma mujhe bachalo