Aye mere nana dine khuda ko bacha ke aayi hun

Bala ke ban me kamayi maa'n ki luta ke aayi hun

Nana kaho to haal sunaye tmko ye dukhiya

Dashte bala me lasha pada tha god ke paalon ka

Gham bhi manane diya gaya na maaon ko wa waila

Zulm ki had ye ho gayi nana rone pe tha pahra

Charo taraf the zulm ke bani koi na tha apna

Ghar ko luta or jangal ko basa ke aayi hun

Ibne hasan pamal hua tha zinda maqtal me

Or kaleja akbar ka tha barchhi ke phal me

Asghar ka khu'n ab bhi laga hai maa'n ke anchal me

Zulm hua hai nana ham par aisa jangal me

Suraj ne bhi ankh chhupa li apni badal me

Nana kitne sadme dil par utha ke aayi hun

In aankhon se kya kya manzar dekha zainab ne

Khun me duba bhai ka paikar dekha zainab ne

Khushk gale pr shimr ka khanjar dekha zainab ne

Bhai ko pamali ki zad par dekha zainab ne

Noke sina par bhai ka sar dekha zainab ne

Kaise manazir in aankhon me chhipa ke aayi hun

11 muharram ko aye nana aesi qayamat thi

Zulm ke bani charo taraf the or na tha koi

Bhai tha be goro kafan or ahle haram qaidi

Kaise bataun nana jo thi halat abid ki

Hanth me rasha aankh me aansu chehre par zardi

Maut ke panje se main usko chhurda ke aayi hun

Bhuli nahi mqin karbobala ke dardo alam ab bhi

Aankhon me mahfuz hai mere shaame gham ab bhi

Nana mere zakhmi hain abid ke qadam ab bhi

Tauq gira'n ke sabab se uski pusht hai kham ab bhi

Sath liye hun sare nishan e zulm o sitam abhi

Kya kahun nana kitne durre kha ke aayi hun

Qabre payambar kanp uthi zainab ki sadaon se

Aane lagi thi giriye ki awaz fizaon se

rauza nabi ka gunj utha fariyad se aanhon se

Ashk gire be sakhta har bibi ki nigahon se

Jab ye kaha zainab ne aye nana teri duaon se

Bhai ka chehlum karbobala me mana ke aayi hun

Ek bala ka hashr bapa tha rauze pr asghar

Koi sina pit raha tha koi apna sar

Rote the sab bain ali ki beti ke sun kar

Kaise bataun dagh liye hain kitne sine par

Zainab to aayi hai nana sath nahi sarwar

Sar jab sabke mile hain to dafna ke aayi hun