Haye Fatema Zahra, Haye Fatema Zahra-2

Jawab Do Aye Musalmano-2

Aye Musalmano'n batao kyu'n Dar e ZAHRA jala-2

Ye sawal ummat se karte hai'n RASOOL E KIBRIYA

Kaisi ulfat hai baraye ITRATE ATHAAR ye

Ghamzada Kuch kam na thiñ aur uspe hai aazaar ye

Ghar jala Pehloo  e ZAHRA bhi Shikasta Kar diya...

Aye Musalmano'n batao kyu'n Dar e ZAHRA jala-2

Khana e ZAHRA kuja Aur Shola e Dahshat kuja

AALE PAIGHAMBAR kuja Aur Nargha e Zulmat kuja

Aaj bhi Shehre NABI is Gham se hai ujda hua

Aye Musalmano'n batao kyu'n Dar e ZAHRA jala-2

Khoob ye Ajr e RISALAT tumse hai Mujh ko Mila

Dil darida DIL shikasta hai'n ALI O FATEMA

Misle Khum ab BIZATUM-MINNI bhula baithe ho kya

Aye Musalmano'n batao kyu'n Dar e ZAHRA jala-2

Wo sanad Meri thi tukde tukde jiske kar diye

FATEMA HASNAIN Aur HAIDAR bhi jhuthlaaye gaye

Is tarah mujh se Nibhayi tumne ye kaisi wafa,

Aye Musalmano'n batao kyu'n Dar e ZAHRA jala-2

Baandhkar rassi Phirana HAIDAR E KARRAR ko

Baad Mere yu'n Satana HAIDAR E KARRAR ko

Hayf hai kaise tumheñ ye sab gawara hogaya..

Aye Musalmano'n batao kyu'n Dar e ZAHRA jala-2

Qabr par goonji meri subbat alayya ki sada

Jisko sun kar ro pade kaunomaka'n aur AMBIYA

Kalmagoyo'n ye batao kya thi MOHSIN ki khata..

Aye Musalmano'n batao kyu'n Dar e ZAHRA jala-2

Kya fadak hai maangte ZAHRA Se to kartiñ ataa

Aayi thiñ Darbaar bas karne Wo tableegh e "Wila"

ghaasiboñ tum ne MERE DIL Ko bahot zakhmi kiya.